मध्यान्हदेखि बढ्न थालेको नेप्से अन्त्यमा ७ अंक सकारात्मक भएर ९२४.५४ मा कारोबार बन्द भयो । त्यसैगरी कारोबार रकम पनि अघिल्लो दिनको भन्दा केही बढेर २६ करोड रुपैयाँको शेयर किनबेच भयो । सबै समूह सुचकहरु बढे पनि बीमा र जलबविद्युत समूहले नेप्सेलाई दह्रो आड दिएको छ । प्रभु बैंकको शेयर कारोबार खुलेदेखि लगातार त्यस कम्पनीको शेयर मूल्य बढ्ने क्रम भने बुधबारबाट रोकिएको छ तर कारोबार रकममा भने प्रभुले नै अग्रता हासिल गरेको छ । रुरल माईक्रोफाईनान्स बिकास बैंक लगायतका केही बिकास बैंकहरुको शेयर मूल्य बढे्को छ भने पश्चिमाञ्चल बिकास बैंक, पु्रडेन्सियल ईन्स्योरेन्सलगायतका कम्पनीका शेयर मूल्य बढी प्रतिशतले घटेका छन् ।
दलहरुबीच सहमति अनिवार्य रहेको निष्कर्षमा पुगेर लगानीकर्ताहरुले शेयर उठाएको देखिएको छ । संबिधान जारी गर्ने भनि तोकिएको दिन माघ ८ नजिकिदै गर्दा दलहरु कुनै न कुनै खाले सहमतिमा पुग्छन् भन्ने बिस्बास लगानीकर्तामा रहेको पाईन्छ । शेयर कारोबार हुने साताको अन्तिम दिन बिहीबार दलहरुबीच सहमति भएमा बढ्दो बजारमा शेयर किन्न नपाईने हो कि भन्ने कुराले पनि लगानीकर्ताहरु बजारबाट शेयर उठाउँन अग्रसर भएको देखिएको छ ।
