‘हाइड्रो फण्ड’ ल्याउने सम्बन्धमा प्राइम बैंकले विभिन्न विदेशी बैंकसँग सम्झौता गरिसकेको समाचार स्रोतले बताएको छ । ‘बैंकले ‘तल्लो सोलु’ हाइड्रोका लागि विदेशी लगानी ल्याउन लागको हो,। ‘जसका लागि ‘लो कस्ट फण्ड’मा ९ अर्व रुपैयाँ ल्याउने सम्झौता गरिसकेको छ ।’
बैंकका कर्मचारी नेपाल भुषण श्रेष्ठका अनुसार ‘ग्यारेन्ट को लिमिटेडसँग यस्तो सम्झौता भइसकेको छ । मौरिससमा रहेको उक्त संस्थासँग सम्झौता भइसकेको छ । उनले भने ।
हाइड्रो फण्ड ल्याउने सम्बन्धमा बैंकले बेलायतमा गएर सम्झौता गरेको हो । उक्त रकम ल्याउनका लागि प्राइमले विभिन्न ५ वटा विदेशी बैंकसँग सम्झौता गरेको छ । हाल बैंकले न्युनतम ब्याजमा उक्त लगानी ल्याउन लागेको छ ।
सोलुखुम्वु जिल्लाको तिङगलामा बन्न लागेको उक्त हाइड्रो पावरको क्षमता ८२ मेगावाट रहेको छ । सो हाइड्रो पावर ‘एक्सेल–क्लिन सोलु हाइड्रोपावर कम्पनी’ले बनाउन लागेको हो । २०७० चैतमा लाइसेन्स प्राप्त गरेको उक्त हाइड्रो पावरको समयावधि २०७२ चैत्रसम्म रहेको छ ।
हालको लागत मुल्य अनुसार उक्त जलविद्युत् आयोजना निर्माणका लागि १३ अर्व ९४ करोड रुपैयाँ लाग्नेछ । अहिले प्रति मेगावाट विद्युत् उत्पादन खर्च १७ करोड रुपैयाँ लाग्ने अनुमान गरिएको छ ।
