सनराइज बैंकले २२ लाख ३६ हजार ६ सय ५० कित्ता हकप्रद सेयर जारी गर्न लागेको छ । सनराईज बैंकले हाल कायम पुँजीको १० प्रतिशतका दरले हकप्रद दिन लागेको हो । सो बैंकले अघिल्लै बर्ष साधारणसभाबाट यो हकप्रद निश्काशन प्रस्ताव पारित गरी संस्थापकहरुबाट रकम समेत जम्मा पारिसकेको छ । सनराइजका लामो समय देखि रिक्त रहेको प्रमुख कार्यकारी अधिकृतको नियुक्ती हुन सकेको छैन ।
यता, अघिल्लो वर्ष देखि रोकिएको लक्ष्मी बैंकले २५ प्रतिशत हकप्रद सेयर निष्कासन गर्ने तयारी गरिरहेको छ ।
त्यस्तै माछापुच्छ्रे बैंकले २० प्रतिशत र प्रभु बैंकले १० प्रतिशत हकप्रद सेयर निष्कासन गर्दैछन ।
एनएमबि बैंकसँग मर्जर मा जाने तयारी गरिरहेको भृकुटी डेभलपमेन्ट बैंकले १४ लाख १२ हजार सात सय किता हकप्रद जारी गर्ने तयारी गरिरहेको छ । प्रिमियर इन्सुरेन्सले पनि १३ लाख ४८ हजार कित्ता हकप्रद सेयर निष्कासन गर्ने तयारी गरिरहेको छ । त्यस्तै नेको र एनबी इन्सुरेन्सको समेत हकप्रद सेयर निष्कासन गर्न लागेको बुझिएको छ ।
