परिसुचक ९.६८ अंकले बढेर नेप्से ९३७.४८ पुगेको छ भने कारोबार रकम पनि २३ करोड ५७ लाख रुपैयाँ भएको छ ।
मंगलबार कारोबार हेर्दा बीमा समूशमा उच्च बृद्दि देखिएको छ भने होटल समूहले नेप्सेलाई दोस्रो आधार दिएको छ । बीमा कम्पनीहरुले गत बर्षको कारोबारको लेखापरीक्षण गराई धमाधम लाभांश घोषणा र साधारणसभाको मिति प्रस्ताव गर्ने तयारी गरेकाले गरेकाले लगानीकर्ताहरुलाई त्यो समूहले आकर्शित गरेको पाईएको छ ।
कतिपय बीमा कम्पनीहरु अनिवार्य पूंजी बृद्धिको चापमा रहेकाले पनि बोनस र हकप्रद शेयर जारी गर्ने अभियानमा छन् । एलआईसी नेपालले मंगलबारै ३० प्रतिशत बोनस शेयर दिने प्रस्ताव गरेकाले पनि बजार बढ्नमा थप मद्धत पुग्यो । मंगलबारको कारोबार रकममा बीमा कम्पनीहरुकै बाहुल्यता देखिनुले पनि लगानीकर्ताहरु बीमा क्षेत्रमा लागेको बुझ्न सकिन्छ । यसले आगामी केहि दिनको शेयर बजारलाई प्रभावित पार्ने स्पष्ट संकेत देखिएको छ ।
