बैंकले चालु आर्थिक बर्षको दोस्रो त्रैमासमा गत बर्षको सोही अबधिको तुलनामा ब्याज आम्दानीमा ४८ र संचालन नाफामा ४१ प््रतिशतले बृद्दि गरी खुद नाफा बढाएको देखिएको छ । बैंकको कर्मचारी खर्च ३४ र संचालन खर्च ३५ प्रतिशतले बढेको छ । गत बर्षको नाफाबाट १५ प्रतिशत बोनस शेयर दिएर चुक्ता पूँजी २ अर्ब ५५ करोड पुर्याएको बैंकले जगेडा कोषमा ४० प्रतिशतले बृद्दि गरेको छ ।
सानिमाको ज्यादै राम्रो पक्ष भनेको निस्क्रिय कर्जा न्युन हुनु हो । बाणिज्य बैंकहरुमा सानिमाको सबैभन्दा कम निस्क्रिय कर्जा रहेको छ । यस बैंकले निस्क्रिय कर्जामा ६० प्रतिशतले कटौती गरी ०.१० बाट ०.०४ प्रतिशतमा झारेको छ । बैंकको प्रति शेयर आम्दानीमा २५ प्रतिशतले बृद्दि गरी २१.८८ पुर्याएको छ । चुक्ता पूँजी कम रहेकाले यसले चालु आर्थिक बर्षको खुद नाफाबाट पनि राम्रै प्रतिफल पाउने आशा लगानीकर्ताले गर्नु स्वभाविक ठहर्छ ।
