जिल्लाको नयाँ जनसंख्याको आधारमा दोलखालीले प्रतिव्यक्ति ७० कित्ता शेयर पाउने भएका छन् । सबै जिल्लाबासीले शेयरमा आबेदन गरेनन् भने अझै बढी शेयर पर्ने संभावना पनि रहेको छ । हालै संकलित तथ्याँक अनुसार दोलखाको जनसंख्या २ लाख ८० हजार ५ सय ५८ रहेको छ । आयोजनाको अति प्रभावित लामाबगर गाविस र गौरीशंकर गाविसलाई भने प्रतिव्यक्तिले ३ सय कित्ता शेयर सुनिश्चित भएको छ ।
दोलखालीले पाउने एक अर्ब ५ करोड ९० खाल रुपियाँबराबरको शेयर फागुन २० गतेभित्र जारी हुने भएको छ । यसका लागि नेपाल धितोपत्र बोर्डले समेत अनुमति दिईसकेको छ ।
४ सय ५६ मेगावाटको माथिल्लो तामाकोसी जलविद्युत् आयोजनाको काम २०७३ माघसम्म पूरा गर्ने लक्ष्यका साथ काम भईरहेको छ । स्वदेशी पूँजी, शीप र प्रबिधिमा निर्माण गरिएको यस आयोजनाको विजुली राष्ट्रिय प्रसारणमा जोडिएपष्छि मुलुकले चर्को लोडसेडिङबाट मुक्ति पाउने अपेक्षा गरिएको छ ।
