फागुन १७ गतेदेखि खरिद गर्न पाउने एक सय रुपैया प्रति कित्ताको सो शेयर सर्वसाधारणले कम्तिमा ५० कित्तादेखि एक हजार कित्तासम्म माग गर्न पाउँछन् । माग भन्दा बढी आबेदन परेमा फागुन २० गते नै आबेदन बन्द हुने जनाईएको छ । कम्पनीले विद्युत उत्पादन गरी नेपाल विद्युत प्राधिकरणसँगको सम्झौता अनुसार राष्ट्रिय प्रसारणमा जोडिई सकेकाले लगानीले चाडै प्रतिफल पाउनसक्ने देखिएको छ । कम्पनी हालसम्म एक करोड २७ लाख घाटामा रहेको बिबरण पत्रमा उल्लेख गरिएको छ ।
चौबिस करोड रुपैयाँ चुक्ता पूँजी रहेको कम्पनीले १० प्रतिशत शेयर भने संखुवासभाबासीलाई बांडिसकेको छ । शैलेन्द्र गुरागाई अध्यक्ष रहेको कम्पनीको संचालक समितिमा पूर्व सांसद डेढराज खड्का, डा. भोगन्द्र गुरागाँई, बासुदेव गिरी, अर्जुनप्रसाद गौतमलगायत सदस्य छन् ।
यस कम्पनीलाई गुरुप्रसाद न्यौपाने समूहले प्रबद्र्धन गरेको हो ।
सिभिल क्यापिटल मार्केट निश्काशन तथा बिक्री प्रबन्धक रहेको यस शेयरको आबेदन सिभिल क्यापिटल, कमलादी, बरुण हाईड्रोको कार्यालय अनामनगर, रियाबल डेभ्लपमेन्ट बैंकको ज्ञानेश्वर शाखा, जनता बैंकको नयाँ बानेश्वर, पोखरा, नेपालगंज, धनगढी शाखा, पाथिभरा बिकास बैंकको ईटहरी शाखा, बागमति बिकास बैंकको सर्लाही हरिवन शाखा, महालक्ष्मी फाईनान्स बीरगंज र साईन रेसुङगा बिकास बैंक बुटवलमा बुझाउन सकिने जनाईएको छ ।
