बैकले गत बर्ष निर्णय गरेको १० प्रतिशत हकप्रद शेयरमा आबेदन दिने अन्तिम दिन साधारणसभाको मिति घोषणा गर्दै थप १५ प्रतिशत हकप्रद शेयर जारी गर्ने प्रस्ताव गरेको हो । बैंकले गत बर्ष गरेको खुद नाफालाई जगेडा कोषमा सारेर अर्को बर्षका लागि साँचेको छ । बैंकको चुक्ता पूजी हाल दुई अर्ब ३८ करोड रहेको छ ।
गत बर्ष ३० करोड ८० लाख खुद नाफा गरी प्रति शेयर आम्दानी १५ रुपैयाँ कायम गरेको सनराईजका लगानीकर्ताले यस बर्ष थोरै भए पनि बोनस शेयर र नगद लाभांशको आशा गरेका थिए । तर बैंक संचालकहरुले लगानीकर्ताको त्यो आशामामा चिसो पानी खन्याउँदै हकप्रद शेयरबाटै पूँजी बढाउने उपाय निकालेका छन् । अर्को आर्थिक बर्षमा भने लगानीकर्तालाई सनराइजले खुशी पार्नसक्ने संभावना छ ।
