ललितपुर फार्इनान्स यस बर्षको तेस्रो त्रैमाससम्ममा जगेडा कोष २० करोडले ऋणात्मक, पूँजी कोष ६.४२ प्रतिशले ऋणात्मक र प्रति शेयर आम्दानी २४ रुपैयाँ भन्दा बढीले ऋणात्मक भएपछि चरम संकटको अबस्थाबाट गुज्रिरहेको छ ।
१८ करोड चुक्ता पुँजी रहेको फार्इनान्सले प्रबाह गरेको ९४ करोड भन्दा बढी कर्जा मध्ये अधिकांश समयमा नउठेर समस्यामा परेपछि कम्पनीमाथि राष्ट्र बैंकले सुधारका लागि तीब्र दबाब दिएको छ । फार्इनान्ससँग तरलता अनुपात धेरै भएकाले तत्काल आर्थिक संकट नदेखिए पनि निस्क्रिय कर्जा नै उसको टाउको दुखार्इको ठूलो बिषय बनेको छ । यसैबाट पार पाउन फार्इनान्सले पुल्चोकको प्रार्इम लोकेशनको साझा पेट्रोल पम्प अगाडिको युएन ह्याविट्याटको कार्यालय भाडामा बसेको मुल्यवान जग्गा बेच्न लागेको हो ।
सो स्थानको एक रोपनी एक आना जग्गा र त्यसमा बनेको तीन तले घर किन्न करोडौ रुपैयाँ भएको संस्था वा ब्यक्तिको खोजी थालिएको छ । सार्वजनिक सूचना जारी गरेर १५ दिने गोप्य सिलबन्दी बोलपत्र माग गरिएको छ । तर ठूला संस्थाहरु बाहेक अरुले यसमा आँट गर्नसक्ने अबस्था छैन । हालेको भुकम्पले धेरै राजधानीबासीलाई तर्साएको हुनाले जोखिमयुक्त क्षेत्रमा बनेका र अग्ला घरहरु किनबेच हुने संभावना कम छ । तर पुल्चोक जस्तो प्रार्इम लोकेशनको घरजग्गा भएकाले युएन ह्वाविट्याट जस्तै संस्थाहरु यसका लागि अग्रसर हुनसक्छन् ।
यो घरजग्गा बिक्री भएमा ललितपुर फार्इनान्सले तत्काल आफ्नो संकट मोचन गर्न सक्नेछ । जगेडा कोष धनात्मक भई कक्पनीलाई सुधारको अरु धेरै मौका प्राप्त हुने छ । निस्क्रिय कर्जा असुलीमा प्रगति गर्नसके कम्पनीका लगानीकर्ताले फेरि हसिलो अनहार बनाउन सक्ने संभावनाम पनि उत्तिकै छ ।
