कम्पनीले जीवन बिमा लेख खरिद गरेका बिमितका परिवारलाई बिमाङ्क रकम, दुर्घटनाबापतको थप रकम र हालसम्मको बोनस गरी अहिलेसम्म रु एक करोड ९६ लाख नौ हजार ६९६ भुक्तानी गरिसकेको छ ।
कम्पनीको बालाजु शाखाका प्रमुख किरण पौडेलले बिमा दाबी कर्ताको निवेदन, मृत्यु दर्ता प्रमाणपत्र, बिमित र भुक्तानी पाउनेबीचको नाता प्रमाणपत्र र प्रहरी प्रतिवेदन पेस भए तत्काल भुक्तानी दिने व्यवस्था गरिएको जानकारी दिए ।
उनले बालाजु शाखाका बिमितमध्ये काठमाडौं गोङ्गबुमा मृत्यु भएका तनहुँ जिल्ला माझकोट–१ का लालबहादुर रानामगरको कम्पनीकै पहलबाट मृत्युदर्ता प्रमाणपत्र बनाउन लगाई मृतकका श्रीमती धलमाया थापालाई रु ३१ लाख ५२ दाबी भुक्तानी गरेको बताए ।
कम्पनीले छ लाख ५६ हजार २६८ नेपालमा रहेका र १० लाख २७ हजार १९५ वैदेशिक रोजगारमा लागेका व्यक्तिको जीवन बिमा लेख बिक्रीबाट ६२ हजार ७८६ करोड प्रिमियम सङ्कलन गरेको छ । रासस
