नेपाल राष्ट्र बैंकले ग्राण्ड (GRAND) र प्रभु (PRVU) लाई फेरी साधारण सभा गर्न निर्देशन दिए लगत्तै नेप्सेले सुचना प्रकाशित गरि प्रभु बैंकको शेयर कारोबार रोक्का गरेको हो ।
लगानीकर्ता भने प्रभु बैंकको शेयर कारोबार रोक्का भए पछि अचम्ममा परेका छन् ।
एक्वीजिशनका लागि अन्तिम स्वीकृति पाउने समयका बेला प्रभु बैंकको
शेयर कारोबार समेत स्थगित भएकाले उनीहरुमा अन्यौलता थपिएको हो ।
प्रभु बैंकमा विलय हुने क्राममा ग्राण्ड बैंक रहेकाले यस अघि ग्राण्डको मात्र शेयर कारोबार रोक्का गरिएको थियो ।
नेपाल राष्ट्र बैंकका प्रवक्ता त्रिलोचन पंगेनीका अनुसार दुई बैंकको प्रस्तावीत शेयर स्वाप रेशियो नमिलेका कारण फेरी साधारण सभा गरि उक्त विषय सच्याउन बैंकहरुलाई निर्देशन दिइएको हो ।
मेरो लगानीडटकमसंग कुरा गर्दै प्रवक्ता पंगेनीले भने ‘अहिलेको एक्विजीशन जसरी अघि बढेको छ, त्यो एउटा संस्था प्राप्तीको अहिलेको व्यवस्था विपरित छ । फेरी शेयर स्वाप रेशियोमा पनि दुई बै.कका बिचमा मिल्न नसक्ने अवस्था देखियो । यसै कारण हामीले प्रभु र ग्राण्डलाई साधारण सभाबाट ती विषय सच्याउन निर्देशन दिएका हौं । यसले आजबाट प्रभुको पनि शेयर कारोबार रोक्का भएको छ । कहिले सुचारु हुन्छ भनेर मिति तोक्ने अवस्था छैन ।’
‘ग्राण्ड बैंकलाई प्राप्ती गर्ने प्रश्ताव राष्ट्र बैंकमा पेश भएकोमा प्रस्तावमा दुई बैंकका बिचमा मर्ज हुने भन्ने आशयको देखिएकाले प्रभु बैंकको कारोबार रोकिएको हो । एक्वीजीशन व्यवस्था भन्दा फरक प्रस्ताव देखिएकाले त्यसलाई साधारण सभा मार्फत प्रष्ट पारेर आउन निर्देशन दिएका हौं । त्यस लगत्तै हामी अन्तिम स्वीकृति दिन्छौं ।’ प्रवक्ता पंगेनीले मेरो लगानीसंग भने ।
राष्ट्र बैंकको यस्तो निर्देशन पछि दुबै बैंकले पुन छुट्टाछुट्टै साधारणसभा गर्नुपर्ने भएको छ । साधारणसभाले स्वीकृति दिएपछि मात्रै बैंक संचालक समितिले मर्जर वा एक्वीजिशनको अन्तिम निर्णय गर्न पाउने छन् । साधारणसभाले अनुमोदन गरेपछि दुबै संस्था सैद्धान्तिक स्वीकृति लिन राष्ट्र बैंक जानु पर्छ । राष्ट्र बैंकले स्वीकृति दिएपछि अन्तिम प्रकृया अगाडि वढ्छ ।
.....................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
सम्बन्धित समाचार
प्रभुले ग्रान्ड किन्ने प्रक्रिया अन्तिम चरणमा, दुवैले एकैदिन बोलाए विशेष साधारण सभा, २ महिना भित्रमा एकिकृत कारोबार
