रसुवामा निर्माण भएको २२ दशमलव १ मेगावाट क्षमताको जलविद्युत आयोजनाबाट चिलिमे (CHCL) ले ठुलो मात्रामा नेपाल विद्युत प्राधिकरणलाई विद्युत बेच्दै आएको छ । चिलिमेले वार्षिक रुपमा १ सय ५० गिगावाट विद्युत उत्पादन गर्दै आएको छ ।
यसका अलावा चिलिमेले ३ वटा सहायक कम्पनीहरु रसुवागढी हाइड्रोपावर कम्पनी, मध्य भोटेकोशी जलविद्युत कम्पनी र सानजेन जलविद्युत कम्पनी सञ्चालन गरि विभिन्न जलविद्युत आयोजनाहरुमा अग्रसर भैरहेको छ ।
अघिल्लो आर्थिक वर्षमा २ अर्ब २७ करोड १३ लाख रुपैंया चुक्ता पूँजी रहेको कम्पनीले २० प्रतिशतले पूँजी वृद्धि गरि २ अर्ब ७२ करोड ५६ लाख रुपैंया पुर्याएको छ ।
४ अर्ब ५३ करोड ४३ लाख रुपैंयाको जगेडा कोष बनाएको कम्पनीले आ.व. २०७१/७२ को चौथो त्रैमाससम्ममा जलविद्युत तथा अन्य क्षेत्रमा गरी ३ अर्ब ९४ करोड ८२ लाख रुपैंया लगानी गरिसकेको छ ।
अघिल्लो आर्थिक वर्षको तुलनामा खुद नाफा, प्रतिशेयर आम्दानी लगायतका सुचकांकमा आएको गिरावटले कम्पनीको शेयर मुल्यमा गिरावट आएको अनुमान गर्न सकिन्छ ।
चिलिमेका सवल पक्षहरु :
- चुक्ता पूँजी २० प्रतिशतले वृद्धि हुनु ।
- जगेडा कोष १ दशमलव ५८ प्रतिशतले वृद्धि हुनु ।
- लगानी ४८ दशमलव ४३ प्रतिशतले बिस्तार हुनु ।
- ३ वटा सहायक कम्पनी मार्फत २ सय ७० मेगावाट भन्दा बढी विद्युत उत्पादनमा अग्रसर हुनु ।
- सहायक कम्पनी मार्फत ३ जलविद्युत आयोजनाको निर्माण पश्चात ठुलो मात्रामा लाभांस बितरण गर्ने क्षमता तयार हुनु ।
- लाभांस बितरणसंगै बढ्ने कम्पनीको नाफाले लगानीकर्ताले पाउने प्रतिफल बढ्नु ।
- तोकिएको मिति सन् २०१६ सम्ममा चिलिमेका सबै आयोजना निर्माण सम्पनन भएर विद्युत उत्पादन गर्न सके त्यसले दिने प्रतिफलका आधारमा लगानीकर्ताको ओइरो लाग्ने अवस्था श्रृजना हुनु ।
- सहायक कम्पनी अन्तरगतका जलविद्युत आयोजनाका लागि पूँजी संकलनका लागि आगामी वर्षदेखि उच्च दरमा बोनस शेयर बितरण गर्ने अवस्था हुनु ।
चिलिमेका कमजोर पक्षहरु :
- रिटर्न अन इक्वीटीमा अघिल्लो वषर््ाको तुलनामा गिरावट आउनु ।
- खुद नाफामा पनि अघिल्लो वर्षको तुलनामा गिरावट आउनु ।
- पूँजी वृद्धि भए पनि प्रतिशेयर आम्दानीमा गिरावट आउनु ।
- प्रतिशेयर नेटवर्थमा गिरावट आउनु ।
२ करोड ७२ लाख ५६ हजार ३ सय २० कित्ता शेयर रहेकोकम्पनीको प्रतिशेयर नेटवर्थ २ सय ६६ रुपैंया ३६ पैसा तथा प्रतिशेयर आम्दानी ३१ रुपैंया ७५ पैसा कायम भएको कम्पनीको गत आर्थिक वर्षमा ठुलो मात्रामा शेयर कारोबार भएको छ ।
गत आर्थिक वर्षमा १५ प्रतिशत नगद लाभांस तथा २० प्रतिशत बोनस शेयर बितरण गरेका कारण पनि कम्पनीको शेयरमा गत आर्थिक वर्षमा लगानीकर्ताको आकर्षण बढेको हो ।
सहायक कम्पनी मार्फत निकट भविष्यमा २ सय ७० मेगावाट भन्दा बढी विद्युत उत्पादन गर्ने भएकाले आगामी दिनमा चिलिमेको शेयरमा लगानीकर्ताको आकर्षण अझै बढ्ने देखिन्छ ।
.....................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
सम्बन्धित समाचारहरु
चिलिमे जलविद्युत कम्पनी कहिले जाला डिम्याट कारोबारमा ?
चिलिमे जलविद्युतमा फेरि आन्दोलन सुरु, सबै प्रशासनिक काम बन्द
चिलिमको स्वाद चाखेका रसुवाबासीलाई बन्दै गरेका एकसय बहत्तर मेगावाटका आयोजनाले के गर्ला ?
चिलिमे जलविद्युतको खुद नाफा किन घट्यो ?
चिलिमेले ५ बर्षमा ५ सय मेगावाट विद्युत उत्पादन गर्ने