यी हुन् निदाएर बसेका २६ कम्पनीः
स्रोतः सीडीएससी ।
*सुर्खेतमा रहेको काँक्रेबिहार विकास बैंकले यो समाचार प्रकाशित भए पछि मेरोलगानीसंग फेन सम्पर्क गरि बुधबार अथवा बिहीबार भित्रमा सिडिएसमा डिम्याटमा जानका लागि सम्झौता गर्ने तयारी भैरहेको जानकारी दिएको छ । बैंकका कम्पनी सचिव जगत थापाले मेरोलगानीसंग कुरा गर्दै भने ‘हामी बुधबार अथवा बिहीबार नै सिडिएससीसंग यस सम्बन्धमा सम्झौता गर्दैछौं । २ दिन भित्रमा कुनै पनि हालतमा हाम्रो सम्झैता भइसक्छ ।’
सीडीएससीसँग शेयर डिम्याट गराउन चासो नदिने यी २६ कम्पनीको शेयर कारोबार माघ १ गतेदेखि रोकिने संभावना बढेको छ । यी कम्पनीका शेयर किनेर कागजी प्रमाणपत्र लिएर बसेका वा खाली हस्तान्तरणमा रहेका लगानीकर्ताले पुस महिना भित्रै बेचिसक्नु पर्नेछ । नत्र माघ लागेपछि किनबेच नै बन्द हुने स्थितिको सामना गर्नुपर्ने भएको छ ।
सीडीएससीसँग सम्पर्कमा नगएका कम्पनीहरुमा केही समस्याग्रस्त भएका कम्पनीहरु छन् भने केही नियमित शेयर कारोबारमा रहे पनि डिम्याटप्रति रुची नदेखाउनु रहस्यमय मात्रै छैन, लगानीकर्ताको हितमा ध्यान दिन नखोजेको पनि स्पष्टै देखिएको छ । पुस महिनाको बाँकी ८ दिनमा यी कम्पनीका लगानीकर्ताको दबाब परेमा भने हतारमा सम्झौताका लागि कुद्ने प्रबृत्ति पनि सम्बन्धित संस्थाका कर्मचारी र संचालकहरुमा देखिनसक्छ । तर पुस २५ गतेसम्म सम्झौतामा नगएमा ती कम्पनीहरुको शेयर डिम्याट गर्न नसकिने चेतावनी सीडीएससीले दिएको छ
यी कम्पनीहरु सीडीएससीसँग सम्झौतामा नगएसम्म शेयर नामसारी पनि रोकिने निश्चित छ । त्यसो हुँदा लगानीकर्ताले ठूलो घाटा खानुपर्ने मात्रै छैन, शेयर नामसारी गराएर डिम्याटमा ल्याउन पनि महिनौ कुर्नुपर्ने हुन्छ । त्यसैले यी कम्पनीहरुको शेयर किन्न लागेकाहरुले माघ १ गतेसम्म कुर्नु नै उत्तम हुने देखिएको छ ।
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
