मेगा बैंकले पश्चिमाञ्चल डेभलप्मेन्ट बैंकसँग मर्जरपछि हुन आउने बैंकको चुक्ता पुँजीको २५ प्रतिशत अर्थात् ४ः१ को अनुपातमा हदप्रद सेयर निष्काशन गर्ने भएको छ । मेगा बैंक र पश्चिमाञ्चल डेभलप्मेन्ट बैंकको शेयर आदान प्रदानको अनुपात १०४.२५:६७ कायम हुने भएको छ ।
पश्चिमाञ्चल डेभलप्मेन्ट बैंकले यहि पौष २९ गते हुने साधारणसभाबाट मेगासँगको मर्जरको प्रस्ताव पारित गर्नेछ त्यसपछि दुवै संस्थाले अन्तिम स्वीकृतिका लागि आवश्यक प्रक्रिया थाल्नेछन् ।
मेगा बैंकका प्रमुख कार्यकारी अधिकृत अनिलकेशरी शाहले वैशाखबाट एकिकृत कारोबार थाल्नेगरि मर्जर प्रक्रिया अगाडि बढाईने मेरो लगानीलाई जानकारी दिए ।
मेगा र पश्चिमाञ्चललाई मर्जरमा जान नेपाल राष्ट्र बैंकले गत चैत्र १२ गते सैद्धान्तिक सहमति दिएको थियो ।
साथै साधारणसभाले शेयरधनीहरुलाई १० प्रतिशत बोनश सेयर तथा कर प्रयोजनका लागि ०.५३ प्रतिशत नगद लाभांश दिने प्रस्ताव समेत पारित गरेको छ । साधारण सभाले बैंकको अधिकृत पुँजी चार अर्ब रुपैयाँबाट वृद्धि गरी १० अर्ब रुपैयाँ पु¥याउन, जारी पुँजी दुई अर्ब ६० करोड बाट ४ अर्ब पाँच करोड र चुक्ता पुँजी २ अर्ब ६० करोड ९६ लाख रुपैयाँबाट बढाएर ४ अर्ब पाँच करोड सात लाख रुपैयाँ पु¥याउने प्रस्ताव पनि पारित गरेको छ ।
सो कार्यक्रममा मेगा बैंकका प्रमुख कार्यकारी अधिकृत अनिलकेशरी शाहले गत बैशाख १२ को भूकम्प र त्यसपछिको नाकाबन्दीका कारण मुलुकको अर्थतन्त्र शिथिल अवस्थाबाट गुज्रिए पनि बैंकको वित्तीय अवस्था सकरात्मक भएको बताए । उनले गत आर्थिक वर्षमा बैंकले ३४ करोड ६२ लाख रुपैयाँ खूद मुनाफा आर्जन गरेको जानकारी दिए ।
चालू आर्थिक वर्षको पहिलो त्रैमासिक अवधिमा बैंकको कूल २२ अर्ब ५६ करोड रुपैयाँ तथा कर्जा १८ अर्ब ८९ करोड रुपैयाँ पुगेको बैंकले जनाएको छ । उक्त अवधिमा बैंकले ८ करोड ४३ लाख रुपैयाँ खूद मुनाफा आर्जन गरेको छ ।
बैंकमा नयाँ संचालक
साधारणसभाले नयाँ सञ्चालकहरुको चयन समेत गरेको छ । आइतबार राजधानीमा सम्पन्न बैंकको पाँचौं वार्षिक साधारण सभाले संस्थापक समूहबाट प्रतिनिधित्व गर्ने ६ जनालाई सञ्चालक समितिमा निर्वा्चित गरेको हो ।
सञ्चालक समितिमा निर्वाचित हुने संस्थापकहरुमा भोजबहादुर शाह, गोपाल खनाल, मदनकुमार आचार्य, शम्भुविक्रम थापा, इन्द्रबहादुर मल्ल ठकुरी र ईश्वरबहादुर गुरुङ्ग रहेका छन् । यसअघि नै चेतनारायण पाण्डे र दिपेन्द्र अग्रवाल सर्वसाधारण समूहबाट निर्वा्चित भइसकेका छन् ।
बैंक संचालक समितले साधारणसभा हुनुभन्दा केहि दिन अगाडि मात्र भोजबहादुर शाहलाई अध्यक्ष नियुत्त गरेको थियो। तत्कालीन अध्यक्ष प्रा.डा. मदन कुमार दाहालले राजीनामा दिएपनि शाह अध्यक्षमा चयन भएका थिए ।
.........................................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
