सोमबार कारोबार रोक्का हुने कम्पनीमा सबै लघुवित्त कम्पनीहरु रहेका छन् । यी कप्पनीहरुको पछिल्ला केहिहप्ता यतादेखि शेयरमुल्य निरन्तर बढ्ने क्रममा रहेको छ । कारोबार संख्या र कारोबार रकमको अनुपातमा सेयर मूल्य उच्च रुपमा बढेको भन्दै नेप्सेले ती कम्पनीहरुको कारोबारमा रोक लगाएको छ ।
सोमबार लक्ष्मी लघुवित्त, नागबेली लघुवित्त, कालिका माइक्रोक्रेडिट डेभलपमेन्ट बैंक, समिट माइक्रो फाइनान्स, नयाँ नेपाल लघुवित्त लगायतका कम्पनीको कारोबार रोक्का गरेको हो । शेयर बजारमा यी कम्पनीहरुको मूल्य अस्वभाविक रुपमा बढेको भन्दै छानबिनका लागि कारोबार रोक्का भएको नेप्सेका सहप्रवक्ता मुराहरी पराजुलीले जानकारी दिए ।
यी कम्पनीहरुको कारोबार भएको अनुपातमा शेयरमूल्य वृद्धिदर उच्च भएपछि नेप्सेले छानबिनको दायरामा ल्याएको हो ।
गत बुधबार नेप्सेले सुभेच्छा विकास बैंक र फर्स्ट माइक्रोफाइनान्सको कारोबार रोक्का गरेको थियो । डिम्याट भएका सेयर संख्याको अनुपातमा कारोबार धेरै भएकाले फर्स्ट माइक्रोफाइनान्सको पनि कारोबार रोकिएको हो ।
.....................................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।