यस कम्पनीको शेयर मूल्य पछिल्ला दिनहरुमा दैनिक १० प्रतिशतले बढ्दै आएको छ तर कम्पनीको बित्तीय अबस्थाले यसलाई आधार दिदैन ।
अपीले आईतबार नै दुईसय प्रतिशत हकप्रद जारी गर्ने निर्णयसहित बिशेष साधारणसभा बोलाएपछि लगानीकर्तालाई हकप्रदको हल्लाले आकर्षित गरेको छ तर यो कम्पनी कस्तो हो र अहिले महंगो मूल्यमा यसको शेयर किनेर हकप्रद भर्दा भोलिको हालत के होला भन्ने तर्फ बिचार गर्नु निकै महत्वपूर्ण छ । अपीको शेयर मूल्य देखि चार सय रुपैयाँसम्मको रेन्जमा रहँदा किनिएका ठूलो परिमाणका शेयरहरु अहिले मुल्य बढाईएको समयमा चलाखीपूर्ण रुपमा बेचिदै छ भन्ने जानकारी आएको छ ।
जानकारहरु भन्छन् -जसरी अरुण भ्याली हाइृड्रोमा हकप्रदको हल्ला चलाएर शेयर मूल्य ७०० रुपैयाँको हाराहारीमा पुर्याईयो र प्रबद्र्धकहरुले सस्तोमा किनेको शेयर महंगोमा बेचेर बाहिरिए । त्यही खेल यहाँ खेल्न खोजिएको छ । अरुण भ्यालीमा महंगो मूल्यमा शेयर किनेर फसेका सोझा लगानीकर्ताहरु अझै उठ्न नसकिरहेको अबस्थामा फेरि त्यही समुहले प्रबद्र्धन गरेको अपीमा अर्को शिकार बनाईदैछ । अर्को महत्वपूर्ण कुरा के हो भने अपीको एक अर्बको शेयरमा त्यसको ७० प्रतिशत हिस्सा संस्थापकको रहेको अबस्थामा संस्थापकहरुले शेयर वापतको रकम हाल्ने स्रोत के हो ?
नोट: अहिले कम्पनीको मुल्य आम्दानी अनुपात ८८९.२९ गुणा रहेको छ ।
अहिले एक अर्ब चुक्ता पूँजी हुँदा त अपीको यो हालत छ भने अरु दुई सय प्रतिशत हकप्रद बेचेर तीन अर्ब चुक्ता पूँजी पुर्याउँदा प्रतिशेयर आम्दानी कति होला र कति बर्षमा लाभांश पाईएला ? गंभीर हुनुपर्ने कुरा छ ।
चुक्ताँ पुँजी १ अर्व रहेको कम्पनीको जगेडाकोष ५२ लाख रुपैयाँले नकारात्मक छ । गत आर्थिक वर्षको दोस्रो त्रैमासमा कम्पनीको चुक्ताँ पूजी ६० करोड र जगेडाकोष ९७ लाख रुपैयाँले नकारात्मक थियो । गत आर्थिक वर्षको अन्त्यमा कम्पनीले ३० लाख कित्ता साधारण शेयर निष्काशन गरी शेयर पूजी वद्धि गरेको थियो । ७६ करोड त दीर्घकालीन कर्जा नै तिर्न बाँकी छ ।
यसरी बढाईएको छ अपीको शेयर मूल्य
कम्पनीको साधारण शेयर निष्काशन हुनु पहिले गत पुष मसान्तमा प्रतिशेयर आम्दानी ४६ पैसा नकारात्मक रहेकोमा यसपटक सामान्य सुधार भइ ८४ पैसामा पुगेको छ । प्रतिशेयर मुल्य ४ सय ८० रुपैयाँ रहेको कम्पनीको प्रतिशेयर नेटवर्थ ९९ रुपैयाँ ४८ पैसा रहेको छ ।
कम्पनीले आगामी दिनमा राम्रै प्रगति गर्ला भनेर चित्त बुझाउने हो भने पनि उसकै बित्तीय बिबरणले निराशा मात्र देखाउँछ । कम्पनीको दोस्रो त्रैमासको बित्तीय बिबरण हेर्ने हो भने उसको मूल्य आम्दानी अनुपात ४६४ गुणा भन्दा बढी छ जुन १५ भन्दा कम भएको राम्रो हो । यसरी कम्तिमा दुई बर्ष लगानीकर्तालाई केही पनि बाड्न नसक्ने कम्पनीको शेयर मूल्य दैनिक १० प्रतिशतले बढेर किन्दा तपाईलाई कति फाईदा हुन्छ ? हकप्रद नै भर्नुभयो भने पनि तपाईको शेयर मूल्य कति पर्ला ? देशलाई जलविद्युतको खाँचो छ । यसमा लगानी गर्नुपर्छ, नाफा घाटा हेर्दिन भन्ने सोचाई राख्ने लगानीकर्ताहरुको हकमा भने केही भन्न सकिन्न ।
के भन्छ कम्पनी ?
अपी पावरले आफ्ना सहायक कम्पनीहरु मार्फत बन्ने आयोजनाहरुमा लगानी गर्न हकप्रद मार्फत पूँजी संकलन प्रक्रिया अगाडि बढाइएको जनाएको छ । अपीका संचालक संजीव न्यौपानेले मेरोलगानीडटकमसँग कुरा गर्दै कम्पनीले स्थापना गरेका सहायक कम्पनीहरुमा ईक्विटी बढाउन पूँजी थपको निर्णय गरिएको भन्दै शेयर बजारमा शेयर मुल्य बढ्नुमा आफ्नो कुनै भुमिका नभएको दावी गर्नुभयो । उहाँले कम्पनीको बित्तीय अबस्था सुधारउन्मुख रहेको भन्दै आगामी असारसम्ममा कम्पनी लाभांश बाड्नसक्ने गरी नाफामा जाने दावी पनि गर्नुभयो । अर्को आयोजना निर्माण र सहायक कम्पनीहरुमा लगानी गर्न हकप्रद जारी गर्न नपाउने भन्ने धितोपत्र बोर्डको भनाई आएको सन्दर्भमा उहाँले बोर्डबाट आफ्नो कम्पनीको हकप्रदको योजना अगाडि बढाउँन स्वीकृति प्राप्त हुने आशा ब्यक्त गर्नुभयो ।
यो पनि पढ्नुहोस् ।
अपि पावर कम्पनीले दुईसय प्रतिशत हकप्रद शेयर जारी गर्ने
अपि पावरले ४० मेगावाट क्षमताको माथिल्लो चमेलिया आयोजनाको विद्युत सर्वेक्षण गर्ने
अपीको दोस्रो त्रैमासिक बित्तीय बिबरण यस्तो छ
अपिको शेयरमा खरिदकर्ताको चाप, कारोबार खुलेको पहिलो दिनमै ग्रामिण विकास बैंकको मूल्य दश प्रतिशतले बढ्यो
अपि पावरको शेयर कारोबार सुरु, प्राइस रेञ्ज १ सय देखि ३ सय १ रुपैंया तोकियो
अपी हाइड्रोको एक करोड कित्ता शेयर नेप्सेमा सूचीकरण, छठपछि कारोबारमा आउने
अपि हाइड्रोको शेयर बाँडफाँड, एक लाख ४८ हजार ६१६ जना बने शेयरधनी
अपि हाइड्रोमा स्थानीयवासीको अवरोध
