नेपाल बैंकले नेपाल ईन्स्योरेन्सको १० लाख कित्ता संस्थापक शेयर न्युनतम मूल्य ४०० रुपैयाँमा बिक्री गर्ने निर्णय गरेको छ । नेपाल ईन्भेष्टमेन्ट बैंकको संस्थापक शेयर राष्ट्रिय बाणिज्य बैंकले सर्वसाधारणलाई बेचेको मोडलमा नेपाल ईन्स्योरेन्सको शेयर बेचिने भएको छ । यस शेयर बिक्रीबाट नेपाल बैंकले कम्तिमा ५० करोड आम्दानी गर्ने अपेक्षा गरिएको छ । शेयर बिक्रीका क्रममा मुल्य बढेर आबेदन भएमा यो रकम अरु थपिने संभावना छ । त्यसैगरी तारागाउँको शेयर बिक्रीबाट १० करोड भन्दा बढी आम्दानी हुने अपेक्षा गरिएको छ ।
नेपाल बैंकले आफ्नो बित्तीय अबस्था सबल बनाउन यी शेयरहरु बेच्न लागेको हो । बैंकसँग डिप्रोक्स लघुवित्तका ४ लाख कित्ता र अरु कम्पनीका शेयरहरु पनि रहेकाले ती शेयरहरु पनि बेच्ने बारेमा छलफल चलिरहेको बुझिएको छ । नागरिक लगानी कोषको ४ लाख कित्ता शेयर भने राष्ट्रिय बिमा कम्पनीलाई बेच्ने टुंगो लागि सम्बन्धित निकायबाट स्वीकृति लिने प्रक्रिया चलिरहेको छ । यसबाट बैंकलाई एक अर्ब आम्दानी हुनेछ ।
नेपाल बैंकको जगेडा कोष एक अर्ब ४६ करोडले ऋणात्मक रहेकोमा तेस्रो त्रैमाससम्मको खुद नाफा र सम्पति बिक्रीबाट त्यो पुरा हुन नसके पनि चौथो त्रैमासमा बैंकले गर्ने प्रगतिबाट जगेडा कोष दुई अर्ब रुपैयाँ जत्तिले धनात्मक बनाउने गरी बैंक ब्यवस्थापन क्रियाशील रहेको एक अधिकारीले बताए ।
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
...............................................................................................................................................................