झण्डै ६ महिना अघि लुम्बिनी बैंकसंग मर्जर सम्झौता गरेको बीओकेले लुम्बिनीसंग मर्जरमा जाँदा बीओकोलाई धेरै फाइदा नहुने भन्दै आन्तरिक रुपमा मर्जर तोड्ने तयारी गरेको थियो । विगतमा यसरी नै मर्जर सम्झौता गरेर तोडेको इतिहासलाई देखाएर राष्ट्र बैंकले बीओकेलाई कुनै पनि हालतमा यो मर्जर प्रक्रिया पुरा गराउन भनेको छ । यस्तो नभएको खण्डमा राष्ट्र बैंकले कडा कार्वाही गर्ने चेतावनी दिए पछि बीओकेले लुम्बिनीसंगको मर्जर प्रक्रिया पुरा गराउने गरि साधारण सभा आह्वान गरेको छ ।
बीओकेले आफ्नो बित्तीय अबस्था सुध्रिने छाँट देखेपछि लुम्बिनीको बिकल्प खोज्ने संकेत देखाएको थियो तर लुम्बिनीका संचालकहरुले बीओकेको यस्तो चाल बुझेपछि राष्ट्र बैंकका अधिकारीहरुसँग सम्पर्क गरेका थिए । लुम्बिनीले बीओकेसँगको मर्जलाई अन्तिम रुप दिन भन्दै बैसाख २७ गते साधारणसभा डाके पनि बीओकेको अनिश्चित थियो । बजारमा हल्ला चले जसरी लुम्बिनीसँगको मर्ज सम्झौता पनि तोडिएको भए बीओकेको साखमै धक्का लाग्ने थियो ।
बीओके र लुम्बिनीको मर्जलाई अन्तिम रुप दिएपछि जेठ १६ देखि संयुक्त कारोबार सुरु गर्ने तयारी गरिने लुम्बिनी बैंक स्रोतले जनाएको छ ।
यस अघि गत माघ २४ गते नै बैंकले साधारण सभा बोलाएकोमा मर्जर सम्झौताका कारण साधारण सभा स्थगित गरेको थियो । डिडिए अनुरुप शेयर स्वाप रेशियो १ अनुपात शुन्य दशमलव ८२८१ रहने सहमतीसंगै बैंकको नाम बैंक अफ काठमाडौं लुम्बिनी रहने सम्बन्धमा भएको सम्झौतालाई पनि साधारण सभाले अनुमोदन गर्दैछ । बीओके साधारण सभाले शेयरधनीलाई दिने भनि प्रस्ताव गरेको २६ प्रतिशत बोनस शेयरको प्रस्ताव पनि पारित गर्दैछ ।
पाँचौं पटक बीओके र लुम्बिनीले वाणिज्य बैंकका बिचमा मर्जरको सम्झौता गरेका हुन् । चुक्ता पूँजी ८ अर्ब पुर्याउनका लागि एक आपसमा गाभिने सम्बन्धमा सम्झौता गरेका बैंकहरुले अब राष्ट्र बैंकको अन्तिम स्वीकृति पश्चात एकिकृत कारोबार सुरु गर्नेछन् ।
गत पुस ९ गते बीओके र लुम्बिनी बैंक गाभिने सम्झौतामा बिओकेका तर्फबाट सञ्चालक समितिका अध्यक्ष सत्यनारायण मानन्धर र डा. हेमराज सुवेदी तथा लुम्बिनीका तर्फबाट सञ्चालक समितिका अध्यक्ष प्रकाश श्रेष्ठ र सुवर्लाल श्रेष्ठले हस्ताक्षर गरेका थिए ।
बीओके केही बर्ष अगाडिसम्म ब्लुचिप्सको रुपमा गनिएको कम्पनी भए पनि मेलम्ची ठेक्कामा फसेपछि खस्किएको छ भने लुम्बिनी पहिले धरासायी भएर राष्ट्र बैंकले सुधारे पछि क्रमश प्रगतिको पथमा लम्किदै गरेको बेंक हो । यी दुबैको मिलनले बलियो वाणिज्य बैंक बन्ने आधार खडा गरेका छन् ।
अहिले बिओकेको चुक्ता पुँजी २ अर्ब ६७ करोड १४ लाख रुपैयाँ रहेको छ । यसमा बैंकले प्रस्ताव गरेको बोनस शेयर पनि समावेश छ । बीओकेको बैंक संचालक समितिको बैठकले लगानीकर्तालाई आकर्षक बोनस शेयर दिएर चुक्ता पूँजी दुई अर्ब ६७ करोड पुर्याउने प्रस्ताव गरेको थियो ।
उता लुम्बिनी बैंकले पनि बोनस शेयर बितरण गरि चुक्ता पूँजी २ अर्ब रुपैयाँबाट २ अर्ब ३० करोड रुपैयाँ पुर्याउने योजना सार्वजनिक गरिसकेको छ । यस क्रममा उसले गत बर्षको नाफाबाट १५ प्रतिशत अर्थात २७ करोड ७० लाख बराबरको बोनस शेयर बाड्ने प्रस्ताव गरेको छ ।
बीओके र लुम्बिनी बैंक मर्जर भए पछि शाखा संख्या ६९ तथा एटीएम संख्या ६२ पुग्ने छ । अहिले बीओकेको ५१ त्था लुम्बिनीको १८ वटा शाखा सञ्चालनमा छन् । त्यसै गरि बिओकेको ५७ तथा लुम्बिनीको ५ वटा एटिएम काउण्टर सञ्चालनमा छन् ।
बैंक अफ काठमाण्डु र लुम्बिनी बैंकले गरे एक आपसमा गाभिने सहमति, शेयर स्वाप रेशियो १ बराबर ०.८२८१
शेयर स्वाप रेसियो तय र सैद्धान्तिक स्वीकृतिपछि पनि शेयर कारोबार किन रोक्ने ?
....................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
जलविद्युत आयोजनामा गर्ने हैन त लगानी ?