धितोपत्र बोर्डबाट आईतबार हकप्रद निश्काशनको स्वीकृति पाएपछि बैंकले सोही दिन संचालक समितिको बैठक राखी सेयरधनी दर्ता किताब बन्दको मिति तय गरेको जनाईएको छ ।
बैंकले हकप्रद बिक्री गर्ने दिन भने तोकिसकेको छैन ।
कृषि बिकास बैंकले भाद्र २१ गते धितोपत्र बोर्डमा हकप्रद निश्काशनका लागि आबेदन दिएको थियो । बोर्डले भने कृषि बिकास बैंकले निश्काशनको स्वीकृति पाईसकेको कुरा यो समाचार तयार पार्दासम्म आफ्नो वेभसाईटमा जनाईसकेको छैन । कृषि बिकास बैंक भन्दा अगाडि बोर्डमा आबेदन दिएका जनता बैंक र माछापुच्छ्रे्रले भने स्वीकृति पाउन बाँकी नै रहेको देखिएको छ ।
गत आर्थिक बर्षमा बैंकले दुई अर्ब ५७ करोड खुद नाफा गरी प्रति शेयर आम्दानी ५५ रुपैयाँ ६४ पैसा कायम भएको देखाएको छ । प्रति शेयर आम्दानी ५५ रुपैयाँ भन्दा माथि कायम गरेर बाणिज्य बैंकहरुमा सबैभन्दा बढी प्रति शेयर आम्दानी गर्ने मध्येमा तेस्रो भएको छ । बैंकले अघिल्लो आर्थिक वर्षमा १५ प्रतिशत बोनस बितरण गरी ३ अर्ब ४२ करोड ४० लाख रुपैयाँ चक्तापूँजीलाई ३ अर्ब ९३ करोड ७६ लाख रुपैयाँ पुर्याएर त्यसको ५० प्रतिशत हकप्रद निष्काशन गर्न लागेको हो । ५० प्रतिशत हकप्रद जारी गरेपछि बैंकको भुक्ता पूँजी ५ अर्ब ९० करोड ६४ लाख रुपैयाँ पुग्नेछ ।
कृषि बिकास बैंकको सम्पतिमा प्रतिफल २.२९ र ईक्विटीमा प्रतिफल १७.७८ प्रतिशत रहेका देखाईएको छ ।बैंकले अघिल्लो बर्षको तुलनामा निस्क्रिय कर्जा अनुपातलाई घटाएर ३.८५ प्रतिशतमा झारेको छ । प्रति शेयर नेटवर्थ ३०३ रुपैयाँ कायम भएको बैंकको पूँजी कोष १२.८४ प्रतिशत रहेको छ । यसपटक बैंकले चाहेमा गत बर्षको प्रति शेयर आम्दानीबाट ४० प्रतिशत भन्दा बढी बोनस शेयर बाड्नसक्ने क्षमता राख्दछ । बैंकले अघिल्लो आर्थिक बर्षमा १५ प्रतिशत बोनस शेयर दिएको थियो।
..............................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।