नबिल इन्भेष्टमेन्ट बैंकिङ लिमिटेडले ल्याएको एक अर्ब रुपैयाँको दोस्रो म्युचअल फन्ड नबिल इक्विटी फन्डमा करिब ६ अर्ब ४० करोड रुपैयाँ बराबरको आवेदन परेको छ । कम्पनीले माग गरेभन्दा बढी आवेदन परेपछि यो फण्डको आकार समेत २५ प्रतिशतले बढेर एक अर्ब २५ करोड पुग्ने भएको छ ।
कम्पनीले प्रति इकाइ १० रुपैयाँ दरका आठ करोड ५० लाख वटा इकाइ सर्वसाधारणका लागि बिक्री खुला गरेको थियो। कम्पनीले १० करोड ईकाइमध्ये १५ प्रतिशत कोष प्रबद्र्धकलाई छुट्याई बाँकी ८ करोड ५० लाख ईकाई सर्वसाधारणलाई बिक्री गरेको हो ।
नबिल इन्भेष्टमेन्ट बैंकिङ लिमिटेडका मर्चेन्ट बैंकिङ प्रमुख अनुज थापाका अनुसार ८५ करोडको नबिल इक्विटी फन्डका लागि ६ अर्ब ४० करोड रुपैयाँ बराबरको आवेदन परेको हो। अझै डेटा फाइनल हुन बाँकी रहेकाले केही तलमाथि हुन सक्ने थापाले बताए ।
फण्डमा माग गरेको भन्दा अधिक मात्रमा आवेदन परेपछि यसको आकार समेत बढेर एक अर्बबाट एक अर्ब २५ करोड रुपैयाँ पुगेको छ । धितोपत्र बोर्डको व्यवस्था अनुसार माग गरिएको भन्दा धेरै आवेदन पर्दा २५ प्रतिशतसम्म आकार बढाउन सक्ने प्रावधान रहेको छ ।
असोज २ गतेदेखि इक्विटी फन्डका लागि आवेदन खुला गरिएको थियो। माग गरिएको भन्दा बढी आबेदन परपछि विहिबार नै यसको बिक्री बन्द गरिएको नबिल इन्भेष्टमेन्टले जनाएको छ ।
नबिलको यो दोस्रो योजना हो । यसअघि नबिल ब्यालेन्स फण्ड १ जारी गरी अधिकांश रकम शेयर बजारमा परिचालन गरिरहेको छ । यस योजनाको पनि अधिकांश रकम शेयर बजारमै परिचालन हुने स्पष्ट पारिएको छ ।
...................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
