मर्जर तथा एक्विजिशनको प्रक्रिया पुरा गरेर र तोडेर भर्खरै सेयर बजारमा कारोबार खुलेका नवप्रवेसी कम्पनीहरुको सेयरको माग अत्याधिक बढ्दा सेयर बजारमा हरियाली छाएको छ । विशेषगरी मर्जर सकेर र भाँडेर सेयरबजारमा छिरेका तीन वाणिज्य बैंकमा लगानीकर्ताको आर्कषण उच्च देखिएको छ । यी कम्पनीहरुको सेयरको माग अत्याधिक बढ्दा सेयरमूल्य समेत दश प्रतिशतका दरले बढेको छ ।

सोमबार पनि सेयरबजार दोहोरो अंकले उकालो लागेको छ भने कारोबार रकममा भने गिरावट देखिएको छ । कारोबारमा आएका अधिकांस समूहका उपसूचक उकालो लागेपछि समग्र बजार बढेको हो । मर्जर तथा एक्विजिशनको प्रक्रिया पुरा गरेर र तोडेर भर्खरै सेयर बजारमा कारोबार खुलेका नवप्रवेसी कम्पनीहरुको सेयरको माग अत्याधिक बढ्दा सेयर बजार उकास्न टेवा पुगेको देखिन्छ । 

सोमबार सेयरबजार परिसूचक नेप्से १६.६२ अंकले उकालो लागेर १७८०.४० अंकमा पुगेको छ । कारोबार आएका अन्य समूह बाहेक सबै समूहको सूचक बढेपछि बजारमा हरियालि छाएको हो । सबैभन्दा धेरै बीमा समूह १३५ अंकले उकालो लागेको छ भने होटल २७,बाणिज्य बैंक १७, विकास बैंक १० अंकले बढेका छन् । यस्तै उत्पाद ७ र जलविद्युत ५ अंकले बढ्दा अन्य समूह करिब २ अंकले घटेको छ ।

सोमबारको बजारमा कुमारी बैंकको सेयरमा लगानीकर्ताको उच्च आर्कषण देखियो । यो कम्पनीको एक लाख २३ हजार बढी कित्ता सेयरको माग गरेका थिए । त्यस्तै बैंक अफ काठमाण्डू लुम्बिनीको सेयरमा पनि एक लाख भन्दा बढी कित्ता माग मार्केट डेप्थमा देखियो । आजैबाट कारोबारमा आएको प्रभु बैंकको सेयरमा पनि लगानीकर्ताको उच्च चाप परेको छ । यो बैंकको ९५ हजार कित्ता माग देखियो । त्यस्तै मर्जर सकेर केही दिन अगािड मात्र कारोबार खुलेको ज्योति विकास बैंकले पनि लगानीकर्ताको ध्यान तान्यो । यो बैंकको पनि ४० हजार कित्ता सेयर माग देखियो । माग अनुसारको आपूार्ति नभएपछि यी कम्पनीहरुको सेयरमूल्य समेत दश प्रतिशतका दरले बढेको छ ।

 कारोबारका हिसाबले एनबी बैंक सबैभन्दा अगाडि देखिएको छ । एनबी बैंकको १४ करोड बढीको सेयर किनबेच भयो भने शिखर इन्स्योरेन्सले पनि ८ करोड बढीको कारोबार गरेको छ । त्यस्तै एभरेष्ट बैंकको पनि ६ करोड बढीको सेयर किनबेच भयो । 

अझ बोनस तथा हकप्रदको कारणले सेयरधनी दर्ता किताब बन्द गरिसकेका कम्पनीहरुको सेयर सामान्य बिनकेच भए पनि बीमा क्षेत्रका कम्पनीहरुमा सेयर किन्नेहरुको चाप पर्न थालेको छ ।

१३६ कम्पनीको कारोबार भएको बजारमा ७९ करोड रुपैयाँ बराबरको सेयर किनबेच भएको छ । कारोबार रक भने अघिल्लो दिनको तुलनामा नौ करोडले कम हो । यसदिनको बजारमा नमस्ते वित्तीय संस्थका सेयरधनीले सबैभन्दा धेरै गुमाएका छन्। यो कम्पनीको सेयरमूल्य ६ प्रतिशतले घटेको छ ।

....................................................................................................................................................................

....................................................................................................................................................................

मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।

...................................................................................................................................................................