८८ करोड १० लाख ८८ हजार रुपैंया चुक्ता पूँजी रहेको देवः विकास बैंकले ५० प्रतिशत हकप्रद निष्काशन पश्चात चुक्ता पूँजी १ अर्ब ३२ करोड रुपैंया पुग्नेछ । बैंकको गत साउन २८ गते सम्पन्न विशेष साधारण सभाले ५० प्रतिशत हकप्रद पारित गरेको थियो । बैंकको शेयर निष्काशन तथा बिक्री प्रबन्धक एनआईबिएल क्यापिटल रहेको छ ।
गत आर्थिक वर्षमा ७ अर्ब ४७ करोड ८४ लाख ७७ हजार रुपैयाँ निक्षेप संकलन गरेको बैंकको जगेडा कोषमा २५ करोड ८९ लाख ४९ हजार रुपैयाँ सञ्चित छ । गत आर्थिक वर्षमा ६ अर्ब ९ करोड ५१ लाख ५ हजार रुपैयाँ कर्जा प्रवाह गरेको बैंकको पूँजीकोष अनुपात १५ दशमलब ४ प्रतिशत, निष्कृय कर्जा अनुपात ३ दशमलव ९९ प्रतिशत रहेको छ ।
प्रतिशेयर आम्दानी १५ रुपैयाँ ५० पैसा रहेको बैंकले लगानीकर्तालाई दिने प्रतिफल प्रस्ताव गरिसकेको छैन । बैंकको प्रतिशेयर नेटवर्थ १ सय २९ रुपैयाँ ३९ पैसा, तरलता अनुपात १० दशमलब ३७ प्रतिशत र मुल्य आम्दानी अनुपात २० दशमलव ७१ गुणा छ ।
देवः विकास बैंक सहित असोज महिनामा मात्र हकप्रद निष्काशनका लागि धितोपत्र बोर्डमा आवेदन दिने वित्तीय संस्थाको संख्या ४ पुगेको छ । सगरमाथा फाइनान्सले ८० प्रतिशत, मन्जुश्री फाइनान्सले १ सय ७५ प्रतिशत र नमस्ते वित्तीय संस्थाले शतप्रतिशत हकप्रद निष्काशनका लागि आवेदन दिएका छन् ।
..................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।