मेरोलगानीसँग कुरा गर्दै सिभिल बैंकका कम्पनी सचिव डिल्लीराम श्रेष्ठले राष्ट्र बैंकबाट पत्र आईपुगेको बताए । ‘राष्ट्र बैंकले नेप्सेलाई पठाएको पत्रका साथै हामीलाई पठाएको पत्र प्राप्त भएको छ । मंगलबारदेखि हाम्रो शेयर कारोबार सुचारु हुन्छ ।’ श्रेष्ठले भने ।
राष्ट्र बैंकको निर्देशनपछि स्वाप रेशीयो १०० : ७४।७२ कायम भएको छ । अब एक सय कित्ता सेयर हुने सिभिल बैंकका शेयरधनीले एक सय कित्ता तथा एक सय कित्ता शेयर हुने आईएलफसीका शेयरधनीले ७४।७२ कित्ता शेयर पाउनेछन् । यसअघि सिभिल बैंकको विशेष साधारण सभाले मर्जरपछि सिभिल बैंकका १०० कित्ता शेयर हुने लाई १११ दशमलव शुन्य ८ कित्ता तथा १०० कित्ता आईएलएफसीको शेयर भएकालाई ८३ कित्ता शेयर बितरण गर्ने प्रस्ताव पारित गरेको थियो । जसलाई राष्ट्र बैंकले परिमार्जन गर्न दुई कम्पनीलाई निर्देशन दिएको थियो ।
३ अर्ब ८ करोड रुपैंया चुक्ता पूँजी रहेको सिभिल बैंक र २ अर्ब ८८ लाख रुपैंया चुक्ता पूँजी रहेको आइएलएफसीलाई गाभेपछि चुक्ता पूँजी ५ अर्ब रुपैंयाभन्दा माथि पुगेको हो । बैंकले २३ करोड ८६ लाख रुपैयाँ चुक्ता पूँजी भएको युनिक फाइनान्स, २२ करोड १० लाख रुपैयाँ चुक्ता पूँजी भएका हामा मर्चेन्ट एण्ड फाइनान्स पनि खरिद गर्ने सम्झौता गरिसकेको छ ।
..................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
