बंगलादेश बैंकको प्रगति बिबरण
गत आर्थिक बर्षको पहिलो त्रैमासको तुलनामा यस बर्षको सोही अवधिमा ८३ प्रतिशतले खुद नाफा बढाएर नेपाल बंगलादेश बैंकले नकारात्मक प्रचारबाजी गर्नेहरुलाई गतिलो जवाफ दिएको हो । गत आर्थिक बर्षको चौथो त्रैमासको तुलनामा प्रति सेयर आम्दानी निकै कम भए पनि गत आर्थिक बर्षको पहिलो त्रैमासको तुलनामा भने ३७ प्रतिशतले बढाएको छ ।
बैंकको समग्र प्रगतिको तुलना गर्दा नेपाल बंगलादेश बिगतको संकटग्रस्त अबस्थाबाट चेतेर अब भने निरन्तर प्रगतिको बाटोमा गएको अनुभुति हुन्छ । चुक्ता पूँजी बढाएसँगै निक्षेप संकलन र कर्जा बिस्तार गर्ने, निस्क्रिय कर्जाको अनुपात घटाउने, खुद नाफा र प्रति सेयर आम्दानीमा सन्तुलन कायम गर्ने काममा बंगलादेश बैंकको ब्यवस्थापन गंभीर रहेको उसको प्रगति बिबरण हेर्दा थाहा हुन्छ ।
ब्याज आम्दानी र संचालन नाफा उल्लेखनीय रुपमा बढ्नु, गैर संचालन नाफा पनि बढ्नु, निस्क्रिय कर्जा अनुपात बटाएर जोखिम ब्यहोर्ने कोषबाट रकम फिर्ता ल्याउन सक्नु लगायतका कारणले उसको खुद नाफामा बृद्धि हुन सकेको देखिन्छ ।
उसको पूँजी कोष भने खुम्चिएकाले तत्काल त्यसलाई बढाउनु अति आबश्यक छ । उसले जारी गर्न लागेको ८० प्रतिशत हकप्रदपछि त्यो पनि समाधान हुने आशा गर्न सकिन्छ । बिगतमा एनबी समूहले धरासायी बनाएको बैंकलाई नेपाल राष्ट्र बैंकले नियन्त्रणमा लिई सुधारेकोमा केही बर्ष अघि बंगलादेशी साझेदारहरुले बहुमत संस्थापक सेयर धारणा गरेर तीब्र प्रगतिमा लैजादैछन् ।
बैंकले गत बर्ष एक अर्ब १९ करोड खुद नाफा कमाएर प्रति सेयर आम्दानी ३९ रुपैयाँ कायम गरेको थियो, जसबाट लगानीकर्ताले आकर्षक बोनस सेयर प्राप्त गरे ।
..................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।