विहबार नेप्से २ दशमलव ५ अंकले उकालो लागेर १७६२ दशमलव २१ अंकमा पुगेको छ । १ सय २१ कम्पनीका ८ लाख ७२ हजार कित्ता शेयर ५३ करोड ८५ लाख रुपैंयामा बराबरमा किनबेच भएको छ । कारोबार रकम अघिल्लो कारोबारको तुलनमा भने झण्डै १६ करोड कम हो ।
वाणिज्य बैंक, विकास बैंक र वित्त समुह उकालो लागेको बजारमा होटल, जलविद्युत विमा र अन्य समुह झरेका छन् । कारोबारमा सबैभन्दा धेरै चाप भने सिभिल बैंकमा देखिएको छ । सिभिलको एघार करोड बढीको सेयर किनबेच भएको छ । छिमेक लघुवित्तको पनि साढे ५ करोड बढीको कारोबार भयो । लुम्बिनी जनरल इन्स्योरेन्स, मुत्तिनाथ विकास बैंक र एभरेष्ट बैंकको पनि ३ करोड बढीको सेयर किनबेच भयो ।
एनएमबि माइक्रोफाइनान्सका लगानीकर्ताले यसदिन सबैभन्दा धेरै कमाए । यो कम्पनीको सेयरमूल्य दश प्रतिशतले बढेको छ । यो कम्पनीले आजै सेयरधनी दर्ता पुस्तिका बन्द गरेको छ । एनएमबिमाइक्रोको १२० हकप्रद र २५ प्रतिशत बोनस एकैपटक समायोजित भएपछिको कारोबारमा सेयरमूल्य बढेको हो ।
जनउत्थान सामुदायिक लघुवित्तका सेयरधनीले विहिबार पनि दशप्रतिशतका दरले कमाएका छन् । भिवोर सोसाईटी डेभलपमेन्ट बैंक, सम्झना फाइनान्स, मुत्तिनाथ विकास बैंक, पोखरा फाइनान्स,अपि हाइड्रो तथा सिभिल बैंक लगायतका कम्पनी धेरै कमाउनेको सूचीमा परेका छन् ।
मितेरी डेभलपमेन्ट, महिला सहयात्रा, नाङी ग्रुप, कामना विकास बैंक,युनाइटेड इन्स्योरेन् लगायत कम्पनीका लगनाीकर्ता धेरै गुमाउनेमा परेका छन् ।
..................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
