एक्सेल डेभलपमेन्ट बैंकको प्रतिसेयर आम्दानी ३६ रुपैयाँ
एक्सेल डेभलपमेन्ट बैंक लिमिटेडले चालु आर्थिक वर्षको पहिलो त्रैमासमा २ करोड ७७ लाख रुपैयाँ खुद नाफा कमाएको छ । जुन गत वर्षको तुलनाभन्दा ६० दशमलव १२ प्रतिशतले बढी हो । गत वर्षको सोहि अवधिमा बैंकले मुनाफा १ करोड ७३ लाख रुपैयाँ कमाएको थियो ।
३० करोड ७६ लाख रुपैयाँ चुक्ता पुँजी भएको बैंकले जगेडाकोषमा १९ करोड २ लाख रुपैयाँ राखेको छ । बैंकले यसअवधिमा ३ अर्ब ७९ करोड ५३ लाख रुपैयाँ निक्षेप संकलन गरेर ३ अर्ब ३० करोड ७९ लाख रुपैयाँ कर्जा लगानी गरेको छ ।
बैंकको प्रतिसेयर आम्दानी वार्षिक ३६ दशमलव ०५ रुपैयाँ, मुल्य आम्दानीको अनुपात वार्षिक १९ दशमलव ९७ गुणा, प्रतिशेयर नेटवर्थ १ सय ६१ दशमलव ८३ रुपैयाँ र तरलता अनुपात ३६ दशमलव ९५ प्रतिशत रहेको छ ।
१ दशमलव ५४ प्रतिशत खराब कर्जा रहेको बैंकले प्रोभिजनमा १ करोड ४२ लाख रुपैयाँ राखेको छ भने ३१ लाख रुपैयाँ खराब कर्जा उठाएको छ ।
सहयोगी विकास बैंकको प्रति शेयर आम्दानी २४ रुपैयाँ
सहयोगी विकास बैंकले चालु आर्थिक वर्षको पहिलो त्रैमासमा १ करोड ५५ लाख रुपैयाँ खुद नाफा कमाएको छ । जुन गत वर्षको तुलनाभन्दा १ सय ३८ प्रतिशतले बढी हो । अघिल्लो वर्षको सोहि अवधिमा बैकलmो ६५ लाख रुपैयाँ मुनाफा कमाएको थियो ।
२५ करोड ७८ लाख रुपैयाँ चुक्ता पुँजी भएको बैंकले जगेडाकोषमा १५ करोड ३ लाख रुपैयाँ राखेको छ । बैंकले यसअवधिमा २ अर्ब ९१ करोड ६४ लाख रुपैयाँ निक्षेप उठाएर २ अर्ब ५७ करोड ७४ लाख रुपैयाँ कर्जा लगानी गरेको छ ।
बैंकको पहिलो त्रैमासमा प्रति शेयर आम्दानी वार्षिक २४ दशमलव ०७ रुपैयाँ, मुल्य आम्दानीेको अनुपात १६ दशमलव ४१ गुण, प्रति शेयर नेटवर्थ १ सय ५८ दशमलव २९ रुपैयाँ, तरलता अनुपात २२ दशमलव ०७ गुणा रहेको छ ।
खराब कर्जा १ दशमलव ३६ पतिशत रहेको बैंकले प्रोभिजनमा १ करोड ८५ लाख रुपैयाँ छुटाएको छ भने १४ लाख रुपैयाँ खराबकर्जा उठाएको छ ।
वोमीेको प्रतिशेयर आम्दानी ५८.५२ रुपैयाँ
वोमी माईक्रोफाइनान्स वित्तीय संस्थाले चालु आर्थिक वर्षको पहिलो त्रैमासमा ५२ लाख रुपैयाँ खुद नाफा कमाएको छ । जुन गत वर्षको सोहि अवधिको तुलनाभन्दा ११ दशमलव ८९ प्रतिशतल बढी हो । गत वर्षको सोहि अवधिमा वोमीले ४७ लाख रुपैयाँ मुनाफा गरेको थियो ।
कम्पनीको प्रतिशेयर आम्दानी ५८ दशमलव ५२ रुपैयाँ, मुल्य आम्दानीको अनुपात ३२ दशमलव ४७ गुणा, तरलता अनुपात २६ दशमलव २९ गुणा, प्रति शेयर नेटवर्थ १ सय ८१ दशमलव ०२ रुपैयाँ रहेको ।
खराब कर्जा १ दशमलव ९४ प्रतिशत रहेको माइक्रोफाइनान्सले ५ लाख रुपैयाँ प्रोभिजन राखेको छ भने १७ लाख रुपैयाँ खराब कर्जा उठाएको छ ।
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
