नागबेली लघुवित्तले असोज मसान्तसम्ममा ८७ लाख ५९ हजार रुपैंया खुद नाफा गरेको वित्तीय विबरण निकालेको छ । गत आर्थिक वर्षको सोही अवधिमा उसले ५९ लाख ५८ हजार रुपैंया खुद नाफा कमाएको थियो । समिक्षा अवधिमा लघुवित्तको कमाई २९ लाख रुपैंयाले बढेको हो ।
उता रिलायबल माइक्रोफाइनान्सले असोज मसान्तसम्ममा ३७ लाख ५४ हजार रुपैंया खुद नाफा कमाएको छ । अघिल्लो असोजमा उसले ४३ लाख ४८ हजार रुपैंया खुद नाफा कमाएको थियो । समिक्षा अवधिमा माइक्रोफाइनान्सको खुद नाफा ६ लाख रुपैंयाले घटेको हो ।
त्यसै गरी केही समय अघि मात्र ६ लाख कित्ता साधारण शेयर निष्काशन गरी पूँजी वृद्धि गरेको मेरो माइक्रोफाइनान्सले चालु आर्थिक वर्षको पहिलो त्रैमासमा २ करोड २६ लाख १४ हजार रुपैंया खुद नाफा गरेको छ । गत आर्थिक वर्षको सोही अवधिमा उसको खुद नाफा १ करोड ५८ लाख १९ हजार रुपैंया थियो । समिक्षा अवधिमा माइक्रोफाइनान्सको कमाई ५६ लाख रुपैंयाले बढेको हो ।
मेरो माइक्रोफाइनान्सको चुक्ता पूँजी २० करोड, रिलायबल माइक्रोफाइनान्सको ५ करोड ६५ लाख तथा नागबेलीको २ करोड ५० लाख रुपैंया चुक्ता पूँजी रहेको छ । तीन वटै संस्थाको कर्जा प्रवाह बढेको छ । व्याज आम्दानी पनि बढेको भए पनि रिलायबलले सम्भावित जोखिमका लागि १ करोड ३८ लाख रुपैंया प्रोभिजन गरेका कारण उसको सञ्चालन मुनाफा तथा खुद नाफामा गिरावट आएको हो । मेरो र नागबेलीको भने सबै सुचकरु बढेका छन् ।
निष्कृय कर्जा अनुपाततर्फ नागबेलीको १ दशमलव ७१, रिलायबलको १ दशमलव ४६ र मेरोको २ दशमलव शुन्य २ प्रतिशत रहेको छ । नागबेलीको प्रतिशेयर आम्दानी १ सय २५ रुपैंया २७ पैसा छ भने रिलायबलको २६ रुपैंया ५८ पैसा तथा मेरोको ४२ रुपैंया २४ पैसा रहेको छ ।
..................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।