सिभिल बैंकको खुद नाफा गत आर्थिक बर्षको पहिलो त्रैमासको तुलनामा ७३ प्रतिशतले घटेर प्रति सेयर आम्दानी एक रुपैयाँ ८५ पैसामा सिमित भएपछि त्यस बैंकको सेयरमा लगानी गरेकाहरुलाई पर्नु पीर परेको छ ।
हेर्नुहोस् सिभिल बैंकको अवनति
रकमलाई करोडमा देखाईएको छ ।
सिभिलको बित्तीय बिबरण यहाँ हेर्नुहोस् ।
सिभिल बैंकले आईएलएसफीलाई आफुमा गाभेर कार्तिक १ गतेदेखि संयुक्त कारोबार गरेकाले यसमा संयुक्त बित्तीय बिबरण संलग्न छैन । आईएलएफसीलाई गाभेपछि उसको चुक्ता पूँजी चार अर्ब ५८ करोड पुगेको भने युनिक र हामा फाईनान्सलाई समेत खरिद गर्ने सम्झोता भएको छ । यी पछिल्ला दुइ संस्थाहरु पनि संकटग्रस्त अबस्थाबाट तंग्रिदै गरेकाहरु हुन् ।
निस्क्रिय कर्जा धेरै भएको आईएलएफसीको समेत हिसाब बित्तीय बिबरणमा समाबेश हुने हो भने सिभिलको अबस्था डरलाग्दो देखिने निश्चित छ । निस्क्रिय कर्जा अहिले नै ४.१३ प्रतिशत पुगेकाले आईएलएफसीको समेत निस्क्रिय कर्जा जोड्दा कम्तिमा १० प्रतिशत नाघ्नसक्छ । आईएलएफसीको निस्क्रिय कर्जा गत असार मसान्तमा १६ प्रतिशत भन्दा बढी थियो । केही मात्रामा बढेको ब्याज आम्दानीले मात्रै उसको सकारात्मक पक्ष हावी हुन सक्देन ।
केही बर्षदेखि सिभिल बैंकको अवनति हुनुको कारण त्यस बैंकबाट केही ब्यक्तिलाई प्रबाह भएको ठूलो परिमाणको बिनाधितो कर्जा असुलीमा समस्या हुनु र संस्थागत सुशासनको अबस्था दयनीय रहनु भएको बताईन्छ । सिभिलले दोस्रो त्रैमास अवधिमा निस्क्रिय कर्जा असुलीमा अत्यन्त निर्मम कदम नचाले उसलाई समस्यामा पर्नबाट कसैले रोक्न नसक्ने संभावना देखिन्छ ।
संसदको अर्थ समितिमा बसेर राष्ट्र बैंकले ल्याएको कानुनको मस्यौदालाई असफल पार्न लाग्ने बैंकरको आफ्नै बैंकको हालत यो हुनुले पक्कै राम्रो संदेश जाँदैन । साथै प्रमुख कार्यकारी किशोर महर्जनले पनि आफ्नो करियर दाउमा रहेको महसुस गरी बेलैमा बैंकको अबस्था सुधार्न नलागे अहिलेसम्मको अनुभव र प्रतिष्ठा ब्यर्थ हुने छ किनभने बैंक समस्यामा परेपछि कमाउने त बदनामी नै हो । यी दुबै पदाधिकारीले अन्य समकालीन बैंकहरुको प्रगति मात्रै हेरेर आफ्नो बैंक सुधार्न लागे पनि धेरै परिवर्तन संभव छ ।
बैंक अबनति तिर गएको बारेमा प्रक्रिया लिन खोज्दा सिभिलका अध्यक्ष र प्रमुख कार्यकारी, कम्पनी सचिव डिल्लीराम श्रेष्ठ लगायतका पदाधिकारीहरु मेरोलगानी डटकमसँग सम्पर्कमा आउन चाहेनन् ।
आईएलएफसीलाई गाभे पछि आईएलएफसीओ माईक्रोफाईनान्स पनि सिभिलकै सहायक कम्पनीको रुपमा आएको छ । सिभिल क्यापिटलमा समेत बहुमत सेयर रहेकोले सिभिलको ब्यवस्थापनले बैंक सुधारेमा आगामी दिनमा प्रगति गर्नसक्ने पुर्वाधारहरु भने छन् ।
उसले गत बर्ष अन्यन्त थोरै रकम खुद नाफा गरेकाले लगानीकर्ताले यसपल्ट पाए पनि नाम मात्रको लाभांश पाउनसक्छन् । यस बर्षको सुधार कस्तो हुन्छ भन्ने कुराले आउने बर्षको साधारणसभामा लगानीकर्ताले लाभांश पाउने कि धरासायी बैंकका सेयरधनी बनेर बस्ने भन्ने टुंगो लाग्नेछ ।
...................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
