केही बर्ष अघि निस्क्रिय कर्जाले थलिएर संकटग्रस्त बनेको बैंकले नेपाल ईन्भेष्टमेन्ट बैंकको १५ प्रतिशत संस्थापक सेयर बेचेर जगेडा घाटा पुर्ति गरेको थियो । बैंक अहिले स्वस्थ बन्ने चरणमा गई जगेडा कोष एक अर्ब २३ करोड रुपैयाँ, पूँजी कोष ११.५३ प्रतिशत र निस्क्रिय कर्जा ३.३० मा सिमिति भई स्वस्थ बनेको छ ।
एक खर्ब ४६ अर्ब निक्षेप जम्मा गरेर बाणिज्य बैंकहरु मध्येमा सबैभन्दा अगाडि देखिएको राष्ट्रिय बाणिज्य बैंकले ८५ अर्ब ९८ करोड कर्जा प्रबाह गरेको छ । उसको ब्याज आम्दानी र संचालन नाफा घटी निस्क्रिय कर्जा वापतको रकम ब्यवस्था बढाउनु पर्दा खुद नाफामा असर परेको देखिन्छ । सरकारी बैंक भएर पनि कर्मचारी र संचालन खर्च निण्न्त्रणमा राख्न सक्नु उसको सकारात्मक पक्ष हो ।