साधारण लगानीकर्ताको बलबुत्ताले मात्रै यो अबस्था ल्याउन संभवै नभएको जानकारहरु बताउँछन् ।
लगानीकर्ताहरुले सेयर किन्न खोज्दा अझै बजार घट्छ भन्दै किन्न निरुत्साहित गर्ने र बेच्न खोज्दा सेयर बजार अब बढ्छ भन्दै लगानीकर्तालाई रोकेर अत्याँसको स्थितिमा पुर्याउने गंभीर खेल भएको छ ।
खासगरी संस्थागत र क्रस होल्डिड. गरेका लगानीकर्ताहरुको चलखेलले आईतबारको बजारलाई दयनीय अबस्थामा पुर्याएको बताईन्छ । कारोबार सुरु भएको पहिलो ४७ मिनेटमा धेरै कित्ता सेयर कारोबार नहुँदै तीन प्रतिशतले बजार झार्ने र सर्किट लगाउने गरी काम भएको देखिएको छ । लगातारको गिरावटबाट आत्तिएका लगानीकर्ताको झन् मनोबल खस्काउँदै अब सबै सकियो भन्ने त्रासको अबस्था सिर्जना गरिएको छ ।
बजार खुलेदेखि नै निरन्तर ओरालो लागेको नेप्से ६४.५५ अंकले झरेर १४६९.४८ विन्दुमा पुगेको छ । आइतबार नेप्से अघिल्लो करोबारको तुलनामा ४.२१ प्रतिशतले झरेको छ । कारोबारमा आएका सबै समूहमा उच्च गिरावट आएपछि बजार ओरालो लागेको हो । कारोबार खुलेको ४७ मिनेट पुग्दा नपुग्दै बजार तीन प्रतिशतले झरेपछि सर्किट ब्रेक लागेको थियो । त्यसपछि खुलेको बजार केही समालिएर फर्कन खोजेपनि अन्तत बजार बन्द हुदा झन ठुलो पहिरो गएको छ ।
१२८ कम्पनीको सेयर किनबेच भएको बजारमा ९५ करोड ६० लाख लाख रुपैयाँ बराबरको कारोबार भयो । कारोबार रकम अघिल्लो कारोबारको तुलनामा तुलनामा १३ करोड रुपैयाँ कम हो ।
सेयर बजारमा तिब्र गिरावट भइरहदा समग्र पूँजीकरण घटेर १६ खर्ब ३४ अर्बमा आइपुगेको छ । बजार उच्च विन्दुमा रहेको बजारपूँजीकरण २० खर्ब भन्दा माथि रहेको थियो । तीन महिनाको अवधिमा मात्रै सेयरबजारबाट लगानीकर्ताले ४ खर्ब रुपैयाँ गुमाउन पुगेका छन् ।
यसदिन पाँच कम्पनीका लगानीकर्ताले मात्र कमाएका छन् भने डेढ दर्जन कम्पनीको सेयरमूल्य दश प्रतिशतको हाराहारीमा घटेको छ । केहीदिन अघि मात्र कारोबारमा आएको ग्रिन डेभलपेमन्ट बैंकको सेयर मूल्य दश प्रतिशतले बढेको छ । एनबी इन्स्योरेन्स,ओरेन्टल होटल, रिडी हाइड्रो तथा तिनाउ डेभलपमेन्ट बैंकको सेयरमूल्य सामान्य बढेको छ ।
झरेको बजारमा डेढ दर्जन बढी कम्पनीको सेयरमूल्य दश प्रतिशतकै हाराहारीमा घटेको छ । हिमालयन जनरल इन्स्योरेन्स,साना किसान बैंक, लक्ष्मी लघुवित्त, प्रिमियर इन्स्योरेन्स र नेपाल इन्स्योरेन्सका लगानीकर्ताले दश प्रतिशतका दरले गुमाएका छन् । नेको इन्स्योरेन्स, लुम्बिनी इन्स्योरेन्स,किसान माइक्रो, प्रभु इन्स्योरेन्स लगायतका डेढ दर्जन कम्पनीले पनि दश प्रतिशतकै हाराहारीमा गुमाएका छन् ।
आइतबारको बजारमा एभरेष्ट बैंकको सबैभन्दा धेरै सेयर किनबेच भएको छ । यसदिन एभरेष्ट बैंकको ११ करोड १२ लाख रुपैयाँ बराबरको सेयर किनबेच भएको छ । त्यसपछि उच्च कारोबार हुने शिखर इन्स्योरेन्सको ६ करोड १८ लाख बराबरको खरिदबिक्री भएको छ । बैंक अफ काठमाण्डौ लुम्बिनीको पनि साढे चार करोड रुपैयाँ बराबरको सेयर किनबेच भयो ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
