दुई महिना अघि बैंकहरुमा रहेको साढे दुई खर्ब तरलता कता हरायो ?

Jan 06, 2017 Merolagani

घरजग्गा र गाडीमा बैंकहरुले पैसा खन्याउँदा संकट

अर्थशास्त्री डा. पुस्कर बज्राचार्यले देशमा गाडी आयातको डरलाग्दो तथ्यांक प्रस्तुत गर्दै अहिलेको तरलता संकटको मुख्य कारक घर र गाडी कर्जामा बैंकहरुको अधिक लगानी भएको बताएका छन् ।

शुक्रबार राजधानीमा आयोजित स्टक ब्रोकर्स एशोसियशनको कार्यक्रममा उनले प्रश्न गरे -दुई महिना अगाडि राष्ट्र बैंकको तथ्यांकमा २५० अर्ब तरलता थियो, दुई महिना पछाडि त्यो कता हरायो र एकाएक तरलता संकट देखिएको छ ?

अहिले बित्त बजारमा तरलताकाृ अबस्था १० अर्ब भन्दा तल आईपुगेको छ । गहिरिदो तरलता संकटका बीच बाणिज्य बैंकहरुले १० प्रतिशत भन्दा बढी बार्षिक ब्याज दरमा तीन महिने मुद्धती निक्षेप लिन थालेका छन् । तरलता संकट समाधान गर्न भन्दै राष्ट्र बैंकले रिपो जारी गरेर बैंकहरुलाई रकम लैजान आब्हान गरेको छ ।

नेपालको अर्थतन्त्रबारे गहिरो अध्ययन गरेका बज्राचार्यले रोचक तथ्यांक प्रस्तुत गर्दै अगाडि भने -पहिले बर्षदिनमा १० हजार गाडी आयात हुन्थ्यो, यस बर्षको तीन महिनामै कसरी ५० हजार गाडी आयो ? यसरी भईरहेको अनिनयन्त्रित गाडी आयातले पनि अर्थतन्त्रमा संकट ल्याएको छ ।

कार्यक्रममा केहीले बैंकहरुले उत्पादनमुलक क्षेत्र र पूँजी बजारमा प्रबाह हुने भन्दा सस्तोमा घरजग्गा र गाडी आयात कर्जा प्रबाह गरेर अर्थतन्त्रमा संकट थपेको चर्चा गरे । उनीहरुले पूँजी बजारलाई अनुत्पादक क्षेत्र भन्ने तर घरजग्गा र गाडी आयातमा भने निस्फिक्री कर्जा प्रबाह गर्ने बैंकहरु अहिलेको तरलता संकटप्रति मुख्य जिम्मेवार भएको तर्क गरेका थिए ।

बज्राचार्यले बैंकहरुको बित्तीय बिबरण हेर्दा सजिलै थाहा नपाईने तर राष्ट्र बैंकको तथ्यांक हेर्दा पैसा कहाँ गयो भन्ने तथ्यलाई सजिलै बुझ्न सकिने बताए ।

घर जग्गाको भाउ बढेर बैना, बैनामा कारोबार हुन थाल्नु र गाडीहरुका कारणले काठमाडौको सडक जाम हुनु अनुत्पादक क्षेत्रमा पैसा गएको प्रमाण हो, सहभागीहरुको भनाई थियो ।

केहीले सेयर बजारमा भएको नाफा सुरक्षित गरी घरजग्गा र गाडी खरिदतर्फ ।कम परिचालन गरेकोले पनि सेयर बजार सुस्ताउन भुमिका खेलेकाो उनीहरुको भनाई थियो ।

घरजग्गा र गाडी आयातमा गएको कर्जाले तरलता संकट बढाएको तर सेयर धितो कर्जाले पूँजी निर्माण र तरलता बढाउन सहयोग गर्ने तर्क उनीहरुले गरे ।

बैंकहरुले घरजग्गा क्षेत्रमा प्रबाह भएको कर्जाको सिमा नाघेको नदेखिने गरी ओभर ड्राफ्ट लगायतका शीर्षकमा कर्जा प्रबाह गरी ठूलो रकम अनुत्पादक क्षेत्रतर्फ परिचालन गरेको बताईन्छ ।

अहिलेको तरलता संकट लम्बिदै गएर घरजग्गा क्षेत्रमा पहिलेको जस्तै समस्या आएमा केही बैंकहरुलाई आपत्कालीन उद्धारको आबश्यकता हुने आँकलन गरिएको छ । पहिलेको मन्दीमा गोता खाएका केही बैंकहरु भने यही कुरा बुझेर अहिले घरजग्गा कर्जा प्रबाहमा सतर्क भएको बताईन्छ ।

comments powered by Disqus

दोस्रो त्रैमासको वित्तिय विवरण निकाल्नेमा पनि फर्स्ट माईक्रो बन्यो फर्स्ट

Jan 16, 2018

४१.५३ प्रतिशतले नाफा बढ्यो, ५० प्रतिशत हकप्रद आँउदै
थोक लघुवित्त कर्जा प्रबाह गर्ने फर्स्ट माईक्रोफाईनान्स (FMDBL)  चालु आर्थिक बर्षको दोस्रो त्रैमासिक वित्तिय विवरण प्रकाशित गर्ने कम्पनीहरुमध्ये यस बर्ष पहिलो कम्पनी पनि बनेको छ । लघुवित्तले मंगलबार सार्वजनिक गरेको वित्तिय विवरणमा ४ करोड ७६ लाख ९७ हजार रुपैयाँ खुद नाफा गरेको उल्लेख छ ।