नेप्से स्थिर,कारोबार रकममा सामान्य गिरावट

Jan 11, 2017 merolagani

अघिल्ला दुई दिन लगातार दोहोरो अंकले बढेको सेयरबजार बुधबार स्थिर देखिएको छ । कारोबारमा आएका अधिकांस समूह सकारात्मक रहेपछि बजार स्थिर रहेको हो । बजार स्थिर रहेपनि कारोबार रकममा भने कमी आएको छ ।

बजार खुल्नासाथ उकालो लागेको नेप्से अढाई घण्टाको कारोबार पश्चात नकरात्मक देखिन थालेको हो । बुधबार नेप्से शुन्य दशमलव तीन नौ अंकले घटेर १४७६.५१ अंकमा पुगेको छ ।

अघिल्लो दिनको तुलनामा कारोबार रकम भने  करिब एक करोडले घटेको छ । यसदिन सेयरबजारमा १२० कम्पनीको ३६ करोड २५ लाख रुपैयाँ बराबरको सेयरकिनबेच भएको छ ।


बुधबारको कारोबारमा वाणिज्य बैंक, होटल, वित्त र अन्य समूह सकरात्मक रहेपनि बजार बढ्न सकेन । यसदिन विमा, विकास बैंक तथा जलविद्युत समूहका सूचक नकारात्मक रहे । सबैभन्दा धेरै विमा समूहको सूचक ५० अंकले घटेको छ ।

यसदिन सबैभन्दा धेरै कारोबार गर्ने नबिल ब्यालेन्स फण्ड एककोे ४ करोड ७४ लाख बराबरको सेयर किनबेच भयो । नेपाल लाइफले २ करोड ३६ लाख तथा एभरेष्ट बैंकले २ करोड ३३ लाख बराबरको कारोबार गर्दा अन्य कुनै पनि कम्पनीको कारोबार रकम दुई करोड नाघ्न सकेन ।

यसदिन सहयोगी विकास बैंकका लगनाीकर्ताले सबैभन्दा धेरै कमाए । यो कम्पनीको सेयरमूल्य सबैभन्दा धेरै दश प्रतिशतका दरले बढेको छ । सहारा विकास बैंकसँगको मर्जर भाँडिएपछि आजैबाट सहयोगीको नेप्सेमा कारोबार खुलेको हो ।

यता कर्णाली डेभलपमेन्ट बैंकको सेयरमूल्य भने लगात्तार तीनदेखि झण्डै दश प्रतिशतको हाराहारीमा बढेको छ ।जेबिल्स फाइनान्स, राष्ट्रिय विमा कम्पनीका संस्थापक सेयरधनी, हिमालयन जनरल इन्स्योरेन्स तथा नागरिक लगानीककोषका लगानीकर्ता पनि धेरै कमाउनेमा परे ।

comments powered by Disqus

लगानीकर्तालाई हकप्रदको बोझ थेग्नै मुस्किल, समय बढाउँदै कम्पनीहरु

Feb 25, 2018

राष्ट्र बैंकले तोकेको न्यूनतम चुक्तापूँजी कायम गर्ने क्रममा बैंक तथा वित्तीय संस्थाहरुले रोजेको हकप्रदको बाटो सेयरबजारका लगानीकर्ताहरुमा आर्थिक बोझकै रुपमा देखिन थालेको छ । जसले गर्दा कम्पनीहरुले निष्कासन गरेको हकप्रद तोकिएको समयमा बिक्री नहुँदा समय बढाउन बाध्य हुने गरेका छन् ।