नेप्सेले ४१ सेयर दलाललाई देशका बिभिन्न १७ शहरमा कार्यालय स्थापना गरी सेयर कारोबार गर्न पठाउने निर्णय गरेको थियो ।
नेप्सेले रिमोट वर्क स्टेशन सञ्चालन गर्न पुँजी, आवश्यक पूर्वाधार, जोखिम व्यवस्थापन, जनशक्ति र राफसाफ एवं फछ्र्योट कार्य व्यवस्थापन सम्बन्धी भएका काम र प्रगतिका बारेमा नेपाल धितोपत्र बोर्डलाई जानकारी गराई प्रक्रिया अगाडि बढाउन सेयर दलाललाई निर्देशन दिएको थियो ।
यता सेयर दलाल व्यवसायीहरुले नेप्सेको निर्देशन बमोजिम शाखा खोल्न अनुमति पाएका सबै कम्पनीहरुले पूर्वाधार र जनशक्ति तयार पार्ने क्रममा रहेको जनाएका छन् । ब्रोकर एशोसियसनका अध्यक्ष प्रियराज रेग्मीले ४१ सेयर दलालले शाखा विस्तार गर्ने अनुमति पाएकोमा झण्डै दुई दर्जन कम्पनीले शाखा विस्तारको पूर्वाधार तयार पारिसकेको मेरोलगानीलाई बताए ।
उनले भने-नेप्सेबाट शाखा संञ्चालनका लागि अनुमति पाएका कुनैपनि ब्रोकरले हामी बाहिर जान्नौ भनेका छैनन्, सबैले तयारी गरिरहेका छन।
अहिले बिराटनगर, धरान, नारायणगढ, पोखरा, नेपालगंज र धनगढीमा मात्र सेयर दलालको कार्यालय छ । त्यस बाहेकका क्षेत्रका लगानीकर्ताहरुले सेयर कारोबारमा प्रत्यक्ष रुपमा संलग्न हुन नपाई पीडित बनिरहनु परेको छ ।
दलाल व्यवासायीको शाखा विस्तारले राजधानी बाहिर रहेका लाखौ लगानीकर्तालाई दैनिक कारोबार गर्न सहज हुने र यसले सेयरबजारको विस्तार र विकासमा टेवा पुग्ने विश्वास गरिएको छ ।
हेर्नुस कुन सेयर दलाल कहाँ जादैछन ?