फाईनाइन्सले यसअघि फागुन ११ देखि १९ गतेसम्म खुला गरेको लिलामीमा जम्मा तीन हजार दुई सय कित्ता संस्थापक सेयरमात्र बिकेको थियो । सो समयमा एक लाख ८३ हजार दुई सय ३५.८६ कित्ता संस्थापक सेयरमा बोलकबोल खुला गरेकोमा एक लाख ८० हजार ३५ कित्ता संस्थापक सेयर बिक्री हुन सकेन । फाईनाइन्सको संस्थापक सेयरमा जम्मा तीन जनाले बढिमा १०१ रुपैँयामा आवेदन गरेका थिए ।
फागुन २२ गते खोलिएको बोलपत्रमा साधारण सेयर भने ६६ हजार छ सय ८२.१४ कित्ता सबैं बिक्री भएको थियो । साधारण सेयरमा २७४ जनाले अधिकतम १८१ रुपैँयासम्मको आवेदन गरेका थिए । १२७ रुपैँया बोलकबोल गर्ने आवेदकले फाईनाइन्सको साधारण सेयर प्राप्त गरेका थिए ।
अहिले खुला गरेको संस्थापक सेयर लिलामीमा बिक्री प्रबन्धक एनआईबिएल क्यापिटल र सेती फाईनाईनान्सको कार्यालय टिकापुर कैलालीबाट चैत १३ देखि १७ गतेसम्म आवेदन गर्न सक्ने क्यापिटलले जनाएको छ । बोलपत्र चैत २० गते क्यापिटलको कार्यालय लाजिम्पाटमा ४ बजे खुला हुनेछ ।
सेती फाईनाईन्सले कात्तिक नौ गतेसम्म कायम रहेका सेयरधनीलाई मंसिर १ गतेदेखि पुस ५ गतेसम्म एक बराबर एक दशमलव पाँच अनुपातमा नौं लाख ५१ हजार सात सय ८६ कित्ता हकप्रद निष्काशन गरेको थियो ।
१५० प्रतिशत हकप्रद जारी गर्ने सूचनामा उचालिएर केही लगानीकर्ताले सेतीको साधारण सेयर पाँच सय ९४ रुपैयाँ प्रतिकित्तासम्ममा किनेका थिए । उसको संस्थापक सेयर एक सय रुपैयाँ प्रतिकित्तामा पनि किन्नेहरु नभएपछि बारम्बार सूचना निकाल्नु परेको छ ।
बैंक तथा बित्तीय संस्थाको संस्थापक सेयर धारण गर्नेले त्यसका लागि योग्य रहेको प्रमाािण्त गर्नुपर्ने, त्यो धरण गरेपछि दोस्रो बजारमा बिक्री र धितो राखेर कर्जा लिन सहजै नपाईने, सेयर मूल्य कम हुने लगायतका कारणले सर्बसाधारणको आकर्षण कम हुने गरेको छ ।
सेयर बजारमा सेतीको साधारण सेयर नै १६४ रुपैयाँ मूल्यमा पाईने अबस्थामा संस्थापक सेयरलाई १०० रुपैयाँ हाल्नेहरु भेटिन नसक्नु स्वभाविक देखिन्छ ।
एकातिर अरु कम्पनीको हकप्रद सेयर जारी हुने र नबिकेको सेयर लिलाममा आउने क्रम तीब्र हुनु, अर्कोतिर सेयर बजार नै तल झरेर सेयरको मूल्य सस्तिनुले कमजोर र साना कम्पनीहरुको सेयर लिलाममा आउँदा बिक्न गाह्रो हुँदै गएको छ । यस्ता कम्पनीले अब हकप्रदबाटै पूँजी पुर्याउँने निरर्थक प्रयास छाडी बलियो कम्पनी खोजेर मर्ज वा एक्विशिजनमा गए उत्तम हुने देखिन्छ ।