प्रत्येक ६ महिनामा ब्याज भुक्तानी हुने ऋणपत्रको ब्याज बोलकबोलबाट तय गरिनेछ भने साँवा भुक्तानी ०८० चैत ९ गते भुक्तानी हुने राष्ट्र बैंकले जानकारी दिएको छ । ऋणपत्र धितो राखेर बैंक तथा वित्तीय संस्थाबाट कर्जा लिन सकिनेछ ।
प्रतिस्पर्धी बोलपत्रवालालाई ८० प्रतिशत अर्थात चार अर्ब तथा अप्रतिस्पर्धी बोलपत्रवालालाई २० प्रतिशत अर्थात १ अर्ब रुपैयाँ छुट्याइएको छ । अप्रतिस्पर्धी बोलपत्रवालालाई छुट्याइएको रकमको लागि पूरा बोल प्राप्त नभएमा बाँकी हुन आउने रकम प्रतिस्पर्धी बोलवालाहरुलाई बिक्री गरिने राष्ट्र बैंकले जनाएको छ ।
अप्रतिस्पर्धी बोलपत्रवालालाई छुट्याइएको रकमभन्दा बढी रकमको बोल प्राप्त हुन आएमा बोलवालालाई समानुपातिक रूपमा उक्त ऋणपत्रको रकम बाँडफाँट गरिने भएको छ ।