बैंकको हकप्रद लिन ईच्छुक लगानीकर्ताले चैत्र २९ गतेसम्म सेयर खरिदगरी सक्नुपर्नेछ भने हकप्रदको बोजबाट मुक्त चाहानेले सोही समयसम्ममा सेयर बिक्री गरीसक्नुपर्नेछ ।
गत बर्षको मुनाफाबाट २० प्रतिशत बोनस बाँडेको गरिमा विकास बैंकले हाल कायम चुक्ता पूँजीको ७० प्रतिशत हकप्रद निष्काशन गर्न लागेको हो । कुल ९० लाख ७६ हजार दुई सय ९६ कित्ता सेयर निष्काशन गर्नेछ । बैंकको दशौ साधारणसभाले २० प्रतिशत बोनसपश्चात ७० प्रतिशत हकप्रद निष्काशनको प्रस्ताव पारित गरेको थियो ।
हकप्रद निष्काशन पश्चात बैंकको पूँजी दुई अर्ब २० करोड रुपैँया हाराहारीमा पुग्नेछ । शुभेच्छा विकास बैंकलाई गाभेको गरिमाको एक अर्ब आठ करोड रुपैँया चुक्ता पूँजी रहेको छ । बैंकले चालु आर्थिक वर्षको दोस्रो त्रैमासमा १५ करोड ९५ लाख ४७ हजार रुपैंया खुद नाफा कमाएर प्रतिशेयर आम्दानी २९ रुपैंया ५३ पैसा कायम गरेको छ ।
