बैंकले यस अघि पनि सूचना प्रकाशित गर्दै साविकको सुभेच्छा विकास बैंकसँगको मर्जरका कारण पाएको कर 
छुटको उपयोग गर्दै लगानीकर्तालाई बोनसमा लाग्ने कर तिर्न आग्रह गरेको थियो । तपाईले २०७३ असोज चार गते पछि गरिमाको सेयर किन्नु भएको हो र डिम्याट खातामा उक्त सेयरले पाउने बोनस जम्मा भएको छैन भने बैंकको सेयर निष्काशन तथा बिक्री प्रबन्धक एस क्यापिटल तथा गरिमा विकास बैंकका कुनै पनि शाखामा गएर लाभकर तिर्नु पर्ने हुन्छ । उक्त रकम जम्मा भए पछि बैंकले चरणबद्ध रुपमा बोनस सेयर डिम्याट खातामा जम्मा गरिदिने जनाएको छ ।
बैंकले चैत २९ गतेसम्म नेपाल स्टक एक्सचेञ्जमा किनबेच भएर सो को सात दिन भित्रमा राफसाफ तथा नामसारी पुरा गराएका सेयरले हकप्रद भर्न पाउने जनाएको छ । बोनस वापतको कर तिर्ने लगानीकर्ताको हकमा पनि सोही अनुसार हुने भन्दै उसले अझै पनि कर तिर्न ढिला नभएको जनाउँदै आफ्नो सेयर सुरक्षित गर्न भनेको हो । तपाईले कर वापत कति रुपैंया तिर्नु पर्छ ? यो लिंकमा गएर हेर्नुहोस् । बैंकले प्रकाशित गरेको सूचीमा बोनस सेयरको पूँजीगत लाभकर तिर्नु पर्ने सेयरधनी १९०१ जना छन् ।
...[गरिमाले बैशाख १४ गतेदेखि ७० प्रतिशत हकप्रद सेयर जारी गर्ने]...
