मर्चेण्ट बैंकिगंका अनुसार एक अर्ब ५० करोड मध्ये एक अर्ब १० करोड रुपैंयाको सेयर आवेदन कम्पनीले उपलब्ध गराएको फारमबाट परेको छ भने ४० करोड भन्दा बढी रकमको सेयर आस्बा प्रणालीबाट माग गरिएको छ । सेयर आवेदनमा देखिने अनेक झमेलाबाट मुक्ति पाउन लगानीकर्ता आस्बा प्रणालीमा उत्साहित बनेका हुन् ।
मेर्चेण्ट बैंकिगंका प्रमुख कार्यकारी अधिकृत विजयलाल श्रेष्ठले मेरोलगानीसँग कुरा गर्दै भने, ‘अझै अन्तिम तथ्यांक आउन बाँकी छ । यो तथ्यांकलाई अन्तिम तथ्यांक मान्न मिल्दैन ।’
लघुवित्तले सर्वसाधारणका लागि एक लाख २० हजार कित्ता साधारण सेयर बैशाख सातदेखि ११ गतेसम्म निष्काशन गरेको थियो । जसमा चार हजार आठ सय कित्ता सेयर लघुवित्तका कर्मचारीलाई छुट्याइएको छ भने छ हजार कित्ता सामुहिक लगानी कोषहरुलाई सुरक्षित गरिएको छ ।
सर्वसाधारणमा सेयर जारी गरेपछि कम्पनीको चुक्तापूँजी ४ करोड रुपैयाँ पुग्नेछ । साधारणसेयर पछि कम्पनीमा सर्वसाधारणको ३० प्रतिशत शेयर कायम रहने छ । माहुली लघुवित्तले केन्द्रिय कार्यालय सहित २८ शाखा कार्यलयहरु मार्फत १० जिल्लामा वित्तीय सेवा प्रदान गर्दै आएको छ ।
