नेपाल स्टक एक्सचेन्जले उपलब्ध गराएको बिबरण र मेरोलगानी आफैले त्यसलाई सम्बन्धित सेयर दलालसँग रुजु गरी यो बिबरण तयार पारिएको हो ।
सबैभन्दा धेरै सेयर दलाल सात वटा कम्पनीले पोखरामा शाखा खोलेका छन् भने त्यसपछि बिराटनगर र बुटवलमा पाँच, पाँच वटाले शाखा स्थापना गरेका छन् । हेटौडा, बनेपा,बाग्लुड्, लमजुड.को बेशिशहर, नेपालगंज, धनगढी जस्ता स्थानमा पनि सेयर दलाल पुग्नु निकै उत्साहजनक कुरा हो ।
नेप्सेले बैशाख १५ गतेसम्म अनिबार्य रुपमा स्वीकृति लिएर शाखा बिस्तार गरी संचालनमा ल्याउन समय किटरै निर्देशन दिए पनि नौ वटा सेयर दलाल कम्पनीले वेवास्ता गरेको पाईएको छ । बैशाख १५ पछि ती कम्पनीहरुले शाखा बिस्तार गर्न नपाउने र अरु कम्पनीलाई नयाँ ठाउँमा अवसर दिईने बताईएको छ ।
धितोपत्र बोर्डबाट अनुमति प्राप्त ५० दलाल कम्पनी मध्ये ९ नौ वटाले यसअघि नै जिल्लाहरुमा शाखा संचालनमा ल्याएका थिए भने अहिले ३२ कम्पनीले शाखा बिस्तार गरेका हुन् । शाखा बिस्तार नगरेका ४१ कम्पनीले १८ शहरमा शाखा खोल्ने भनिए पनि कतिपय कम्पनीले आफुले छनौट गरेको ठाउँमा शाखा नखोलेपछि १४ शहरमा मात्र सेयर दलालको पहुँच पुगेको छ ।
सेयर दलालहरुको शाखा बिस्तारले राजधानी बाहिरका लगानीकर्तालाई सुबिधा पुग्ने र सेयर बजार बिस्तार हुने अपेक्षा गरिएको छ ।
नेप्सेले आर्थिक गतिबिधि भएको संभाब्य स्थानमा सेयर दलालको कार्यालय बिस्तारको नीति लिएकोले सेयर दलालहरु सुगम र मुख्य शहरमा धेरै केन्द्रित भएका पाईएको छ । यसअघि केही दलालहरु बीरगंज, बिराटनगर जस्ता शहरमा शाखा बिस्तार गर्दै गए पनि टिक्न नसकेपछि कार्यालय बन्द गरेर राजधानी फर्किएका थिए । त्यसबेला र अहिले सेयर किनबेचको राफसाफ सजिलो भएको, कागजी प्रमाणपत्रको झंझट समाप्त भएको र लगानीकर्तामा सेयर बजारप्रतिको आकर्षण बढेकाले कसैले पनि कार्यालय बन्द गरी फर्किनुपर्ने अबस्था नआउने आशा गरिएको छ ।
सेयर बजारमा राजधानी बाहिरका बिल्कुलै नयाँ लगानीकर्ताहरु प्रबेश गर्दा उनीहरुलाई राम्रो कम्पनीमा सुरक्षित लगानी गराउन सेयर दलालहरुको महत्वपूर्ण भुमिका हुने देखिएको छ । खराब कम्पनीहरुमा नयाँ लगानीकर्ता नफसुन भन्नेमा मेरोलगानी डटकमको पनि बिशेष चासो रहन्छ ।
