क्यापिटलका प्रमुख कार्यकारी अधिकृत श्रीजेश घिमिरेले दिएको जानकारी अनुसार झण्डै दुई दर्जन बैंकहरुमा लगानीकर्ताको बैंक खाताको विबरण रुजु गर्न पठाइएको छ । ‘बिहीबार साँझसम्ममा जति बैंकहरुले लगानीकर्ताको बैंक खाताको विबरण प्रमाण्किरण गर्छन, ती सबैमा शुक्रबारदेखि सेयर नपरेको पैसा रकमान्तर हुन्छ ।’ क्यापिटलका प्रमुख कार्यकारी अधिकृत घिमिरेले मेरोलगानीसँगको कुाराकानीमा भने ।
उनका अनुसार नेपाल क्लियरिंग हाउसको आईपीएस प्रणालीबाट २० भन्दा बढी संस्थामा खाता भएका लगानीकर्ताको सेयर नपरेको पैसा फिर्ता सुरु हुनेछ । कुनै पनि बैंक तथा वित्तीय संस्थाबाट लगानीकर्ताको बैंक खाताको विबरण रुजु भएको कागजात क्यापिटलमा पुगेको छैन । बुधबार बुद्धजयन्तीका अवसरमा सार्वजनिक बिदा परेका कारण बैंकहरु बन्द छन् । बिहीबार साँझसम्ममा अधिकांस बैंकले लगानीकर्ताको विबरण पठाउने विश्वास क्यापिटलले लिएको छ ।
रकमान्तर नहुने लगानीकर्तालाई भने जेठ १ गतेदेखि चेक बितरण सुरु गरिने क्यापिटलले जनाएको छ । ‘अहिले धमाधम चेक प्रिन्ट गर्ने काम भैरहेको छ । बैंकहरुले प्रमाण्किरणको कागजात पठाए पछि त्यहाँ छुट्ने लगानीकर्ताको पनि चेक प्रिन्टको काम सुरु हुन्छ ।’ घिमिरेले भने ।
उनका अनुसार झण्डै दुई दर्जन बैंकहरुमा ७० हजारभन्दा बढी लगानीकर्ताको बैंक खाताको विबरण प्रमाणिकरणका लागि पठाइएको छ ।
