सिद्धार्थ इन्स्योरेन्स कम्पनीको चुक्ता पूँजी ४४ करोड ८३ लाख पाँच हजार रुपैँया रहेको छ । कम्पनीले एक सय रुपैँया अङ्कित दरको ८ लाख ६२ हजार १ सय २५ कित्ता हकप्रद सेयर निष्काशन गरेको हो । हकप्रद सेयर जारी गरेपछि कम्पनीको चुक्तापुँजी ५३ करोड ४५ लाख १७ हजार पाँच सय रुपैयाँ पुग्नेछ ।
कम्पनीको सेयर निष्काशन तथा विक्री प्रबन्धकमा लक्ष्मी क्यापिटल मार्केट रहेको छ । हकप्रदमा लक्ष्मी क्यापिटलका साथै लक्ष्मी बैंकको उपत्यका भित्र महाराजगञ्ज, पुल्चोक शाखा र अन्य उपत्यका बाहिरका शाखाहरुबाट जेठ ३१ गते बुधबारसम्म आवेदन गर्न सक्ने क्यापिटलले जनाएको छ । इन्स्योरेन्स कम्पनीको बैशाख १४ गतेसम्म सेयर किनेका लगानीकर्ताले हकप्रदमा आवेदन गर्न पाउनेछन् ।
बीमा समितिले तोकेको चुक्ता पूँजी एक अर्ब पुर्याउन कम्पनीले आउने एक बर्षभित्र ४३ करोड ४५ लाख १७ हजार रुपैयाँ पूँजी थप्नुपर्नेछ । कम्पनीले पुस मसान्तसम्ममा आठ करोड ३३ लाख ८८ हजार नाफा कमाएर प्रतिसेयर आम्दानी बार्षिक ४८ रुपैयाँ कायम गरेको छ ।
....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।