देवले संस्थापक समूहको तीन लाख ८३ हजार दुई सय ९७.३८ कित्ता र साधारण समूहको दुई लाख ३४ हजार तीन सय ९८.३९ कित्ता सेयरमा लिलामी खोलेको हो । उता कैलाशले संस्थापक समूहको १० हजार नौं सय ८१ कित्ता र साधारण समूहको ६२ हजार पाँच सय ७३ कित्ता सेयरमा शिलबन्दी बोलपत्र खुला गरेको थियो । ईच्छुक लगानीकर्ताले दुबै विकास बैंकको लिलामी सेयरमा विहीबार कार्यालय समयभित्र शिलबन्दी बोलपत्र पेश गर्न सक्नेछन् ।
देवको एनआइबीएल क्यापिटल मार्केट (लाजिम्पाट) र कैलाशको ग्लोबल आइएमई क्यापिटल (जमल) ले सेयर बिक्री प्रबन्धक काम गरेका छन् । यसअनुसार लिलामीको सेयरमा आवेदन गर्न सम्बन्धित बैंकको विक्री प्रबन्धककोमा सम्पर्क गर्नुपर्ने हुन्छ ।
एक अर्ब ३८ करोड ३२ लाख रुपैयाँ चुक्ता पूँजी रहेको देवले चालु आर्थिक वर्षको तेस्रो त्रैमासमा १९ करोड ९० लाख रुपैयाँ खुद नाफा कमाएर प्रतिसेयर आम्दानी १९.१९ रुपैयाँ कायम गरेको छ । एक अर्ब ९७ करोड ५४ लाख रुपैयाँ चुक्ता पुँजी रहेको कैलाशले यस अवधिमा ३६ करोड ७९ लाख ९४ हजार रुपैयाँ खुद नाफा कमाएर प्रतिसेयर आम्दानी २४.८४ रुपैयाँ कायम गरेको छ । नेप्सेमा विहीबार देवको प्रतिकित्ता २६५ रुपैयाँ र कैलाशको प्रतिकित्ता ३५२ रुपैयाँ हाराहारीमा कारोबार भएको छ ।
....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।