सानिमा बैंकको लिलामी सेयर सर्कान इच्छुक लगानीकर्ताले बैंकको सेयर विक्री प्रबन्धक सीबीआईएल क्यापिटल लिमिटेड मार्फत असार २२ गते ३ बजेसम्म बोलपत्र पेश गर्न सक्नेछन् । लिलामी गर्दा न्यूनतम एक सय रुपैयाँ तथा एक सय कित्ताको लागि बोलकबोल गरेर शिलबन्दी बोलपत्र पेश गर्नुपर्ने हुन्छ ।
प्राप्त बोलपत्रहरु असार २३ गते दिउँसो २ बजे क्यापिटलको कार्यालय बाटुलेघर डिल्लीबजार काठमाडौंमा खुला गरिने बैंकले जनाएको छ ।
सानिमाले बैशाख १७ गतेदेखि जेठ २१ गतेसम्म ३० प्रतिशत हकप्रद सेयर निष्काशन गरेको थियो । सानिमा बैंकले चालु आर्थिक बर्षको तेस्रो त्रैमासमा ९४ करोड ६९ लाख रुपैयाँ खुद नाफा कमाएर प्रतिसेयर आम्दानी २३.९५ रुपैयाँ कायम गरेको छ ।
बैंकको सेयर नेस्पेमा मंगलबार प्रतिकित्ता ४३१ रुपैयाँमा कारोबार भएको थियो ।