बैंकले संस्थापक समूह तर्फको चार लाख पाँच हजार ८८८ दशमलव ४५ कित्ता तथा सर्वसाधारण समूहतर्फको चार लाख ५१ हजार ५४८ दशमलव ५६ कित्ता सेयरको लिलामी गर्ने भएको हो ।
सिद्धार्थ डेभलपमेन्टको सेयर विक्री प्रबन्धक नबील इन्भेष्टमेन्ट बैंकिङ लिमिटेड रहेको छ । लिलामी सेयर सकार्न ईच्छुक लगानीकर्ताले विक्री प्रबन्धकको कार्यालय नारायणचौर नक्सालमा यही असार १४ देखि २१ गतेभित्र शिलवन्दी बोलपत्र पेश गर्न सक्नेछन् ।
लगानीकार्तालेलिलामी गर्दा न्यूनतम एक सय कित्ता वा अधिकतम सबै कित्तासम्मको लागि समेत आवेदन गर्न सक्नेछन् । त्यस्तै न्यूनतम एक सय रुपैयाँ वा सो भन्दा बढि मूल्य अंकित गरि बोलकबोल गरेर शिलबन्दी बोलपत्र पेश गर्नुपर्ने हुन्छ । अधिकतम मूल्यमा अंकित गर्ने बोलकबोलदातालाई प्राथमिकता दिएर सेयर बाँडफाँड हुनेछ ।
प्राप्त बोलपत्रहरु असार २३ गते दिउँसो १ बजे क्यापिटलको कार्यालय नारायणचौर नक्साल काठमाडौंमा खुला गरिने बैंकले जनाएको छ । लिलमीमा सेयर प्राप्त गर्न नसक्ने लगानीकर्तालाई क्यापिटलले सेयर बाँडफाँड भएको तेस्रो दिनदेखि क्यापिटलको कार्यालय वा सोझै नेपाल क्लियरिङ्ग हाउसको आईपीएस प्रणालीमार्फत खातामा नै फिर्ता गर्नसक्ने जनाएको छ ।
सिद्धार्थ डेभलपमेन्ट बैंकले बैशाख ७ गतेदेखि जेठ १० गतेसम्म ६० प्रतिशत बराबरको ८५ लाख १५ हजार पाँच कित्ता हकप्रद सेयर निष्काशन गरेको थियो ।
बैंकले चालु आर्थिक बर्षको तेस्रो त्रैमासमा २८ करोड ८३ लाख रुपैयाँ खुद नाफा कमाएर प्रतिसेयर आम्दानी २७.०९ रुपैयाँ कायम गरेको छ ।
