इन्स्योरेन्स कम्पनीले गत फागुन ३ गतेदेखि चैत ७ गतेसम्म एक बराबर एक कित्ताको अनुपातमा एक सय रुपैयाँ अंकित दरको ३२ लाख ४० हजार ४२६ कित्ता हकप्रद विक्री गरेको थियो । त्यस्तै कम्पनीको पुस २८ गतेको साधारण सभाले २० प्रतिशत बोनस पारित गरेको थियो ।
कम्पनीले हितग्राही खाता उपलब्ध गराउन बाँकी रहेका सेयरधनीहरुलाई हितग्राही खाता उपलब्ध गराउन भनेको छ । हितग्राही खाता उपलब्ध गराएपछि मात्र हकप्रद र बोनस सेयर जम्मा गर्ने भन्दै अहिलेसम्म पनि आफुसँग भएको सेयर अभौतिकिकरण नगरेका सेयरधनीलाई हितग्राही खाता खोलेर सेयर अभौतीकरण गराउन कम्पनीले अनुरोध गरेको छ ।
३२ करोड ४० लाख रुपैयाँ चुक्ता पूँजी रहेको नेकोको हकप्रद र बोनपश्चात ७१ करोड २८ लाख ९४ हजार रुपैयाँ पुग्नेछ । चालु आर्थिक बर्षको तेस्रो त्रैमासमा कम्पनीले १२ करोड ८८ लाख रुपैयाँ खुद नाफा कमाएर प्रतिसेयर आम्दानी बार्षिक ५३ रुपैयाँ कायम गरेको छ ।
