एनसेलले पेश गरेको बिबरण अनुसार ३५ अर्ब ७१ करोड रुपैयाँ पूँजीगत लाभकर र बाँकी ब्याज र जरिवाना गरी ६० अर्ब ७१ करोड कर निर्धारण भएको हो ।
कर कार्यालयल अन्तिम कर निर्धारणबारे टेलियालाई शुक्रबारै ईमेलमाफृत जानकारी गराईएको र बिस्तृत बिबरण कुरियर गरी पठाईने कर कार्यालय स्रोतले जानकारी दिएको कान्तिपुरले लेखेको छ । १५ दिनभित्र कर नबुझाए अरु जरिवाना र ब्याज लाग्ने बताईएको छ । यसरी रकम थपिदै जाँदा एनसेल बिक्रेता टेलियाले अर्बौ तिर्नपर्ने हुनसक्छ ।
टेmिलयाले एनसेलको स्वामित्व एक अर्ब १२ करोडमा किनेकोे बिबरण पेश गरेकोमा पछि मलेशियाको एक्जियटालाई एक खर्ब ४४ अर्बमा बेचेको कागज कर कार्यालयमा पेश गरेको थियो । त्यसमा लाग्ने २५ प्रतिशत लाभकर समयमै नबुझाउँदा एनसेल र टेलियामाथि करको भार बढ्दै गएको हो ।
एनसेलले यसअघि दुईपटक गरी २३ अर्ब ५६ करोड पूँजीगत लाभकर बुझाईसकेको छ । एनसेल र टेलियासोनेरा दुबै सँगै आई कर तिरेमा अब ३७ अर्ब १५ करोड रुपैयाँ बुझाए पुग्छ भने टेलिया सोनेराले अटेर गरेमा ६० अर्ब ७१ करोड नै बुझाउनुपर्ने कर कार्यालयले बताएको छ ।
यसमा नेपाली साझेदारहरुले सेयर बिक्री गरेको २० प्रतिशत बाहेकको रकम भएको बताईएको छ ।
