सानिमा माईको सेयर विक्री प्रबन्धक सनराईज क्यापिटल लिमिटेड रहेको छ । कम्पनीले अब सनराईज क्यापिटल मार्फत एक सय रुपैयाँ अंकित दरको एक करोड पाँच लाख ५० हजार कित्ता सेयर दुई महिनाभित्रै विक्री गर्नेछ ।
कम्पनीको चुक्ता पूँजी एक अर्ब पाँच करोड ५० लाख रुपैयाँ रहेकामा हकप्रद विक्रीपछि दुई अर्ब ११ करोड रुपैयाँ पुग्नेछ । चालु आर्थिक बर्षको तेस्रो त्रैमासमा कम्पनीले २६ करोड ९५ लाख रुपैयाँ खुद नाफा कमाएर प्रतिसेयर आम्दानी २४.६७ कायम गरेको छ ।
कम्पनीको सेयर बुधबार धितोपत्रको दोस्रो बजारमा प्रतिकित्ता ११८० रुपैयाँमा कारोबार भएको छ । सानिमा माईले हकप्रद विक्री गरेर चुक्ता पूँजी बढाउने भयो भन्दैमा उचालिएर सेयर किन्नु चाँही घातक हुनसक्छ । जलविद्युत्त आयोजनामा लगानी दिर्घकालिन हुने भएकाले तत्कालै ठुलो प्रतिफल पाउन सकिन्न ।
धितोपत्र बोर्डले प्रतक्ष्य नियमनकारी निकाय नभएका कम्पनीहरुलाई हकप्रद र थप साधारण सेयर (एफपीओ) विक्री गर्न कठोर मापदण्ड लागु गरेकाले त्यो पुरा गरेपछि सानिमाले हकप्रद विक्री गर्ने स्वीकृति पाएको हो ।
