विभिन्न चरणमागरी अहिलेसम्म सात वटा संस्था गाँभिएर आज हामी चुक्तापूँजी, ग्राहक र नेटवर्कको आधारमा सबैभन्दा ठुलो विकास बैंक बनेका छौ । यो बर्ष एक अर्ब संचालन मुनाफा कमाउने लक्ष्य छ । उपाध्यायले भने । पूँजी बढेकाले बैंकको विस्वस्नीयता पनि बढेको छ, बढेको पूँजीमा राम्रो प्रतिफल दिन्छौ, उनले भने
उनले पछिल्लो ६ महिनामा उच्च दरको ब्याज बृद्धिले बैंकहरु समस्या परेको भन्दै यसको समाधान गर्न राष्ट्र बैंकको ध्यानकर्षण गराए । बैंकको ब्याजदर र शरीरको ब्लड प्रेशर एउटै जस्तो भएकाले मौद्रिक नीतिमार्फत यसलाई सम्बोधन गर्नुपर्ने उनको भनाई थियो ।
मर्जरपछि बैंकको पूँजी दुई अर्ब ६३ करोड, निक्षेप २४ अर्ब र ऋण लगानी २० अर्ब, शाखा सञ्जाल ६५ पुगेको छ भने ग्राहक संख्या तीन लाख ६४ हजार पुगेको छ।
सोही कार्यक्रममा डेभलपमेन्ट बैंकर्स एशोसिएसनका अध्यक्ष भरत ढकालले युनिर्भसल बैंकिङको अवधारण विकास भएको अवस्थामा बैंकहरुको वर्गिकरण आवश्यक नरहेको बताए । साथै उनले विकास बैंकहरुले पनि सरकारी कारोबार, स्थानीय तहको खाता संचालन, एलसी खोल्ने, रेमिटेन्सको कारोबार समेत गर्न पाउनुपर्ने माग गरे ।
ढकालले वाणिज्य बैंक र विकास बैंकहरुको स्प्रेडदर समान हुन नहुनेमा जोड दिए ।विकास बैंकहरुको आम्दानीको तुलनामा संचालन लागत धेरै हुने हुँदा वाणिज्य बैंक र विकास बैंकको स्प्रेडदर समान हुन नहुने उनको भनाई थियो । आगामी मौद्रिक नीतिबाट लगानी योग्य रकमको कमी हुन नदिन राष्ट्र बैंकले विशेष कार्यक्रम ल्याउनु पर्नेमा ढकालले जोड दिए ।