बैंकले रुद्रैश्वर चोक बुढानिलकण्ठ, पुतलिसडक, होटेल भिशुवा बिरगंज तथा पर्सा चोक लुम्बिनी (लुम्बिनी सम्पदा क्षेत्रको प्रवेश द्वार नजिक) मा सेवा थप गरेको हो ।
नविलको एटिएममा भिषा कार्ड, माष्टर कार्ड, युनियन पे अन्तर्राष्ट्रिय कार्ड (स्थानीय तथा अन्तर्राष्ट्रिय) र एससिटि कुनै पनि कार्ड प्रयोग गरी सेवा लिन सक्नेछन् ।
एटिएम उद्घाटन गर्दे बैंकका अध्यक्ष शम्भु प्रसाद पौड्यालले व्यवसायिक र प्रभावकारी बैंकिङ सुविधाहरु प्रदान गर्न र समाजका बृहत एवं छरिएर बसेका समुदायको बैंकिङ्ग आवश्यकता घरदैलोमै परिपुर्ति गर्ने तथा सधैं उत्कृष्ट सेवा प्रदान गर्ने बैंक प्रतिबद्ध रहने बताए ।
नीजि क्षेत्रबाट पहिलो संयुक्त लगानीको बैंकको रुपमा स्थापित नबिल बैंकले उपभोक्ताको आवश्यकतामा आधारित विविधतायुक्त सेवा÷सुबिधा प्रदान गर्ने कार्यमा सदैव अग्रणी भूमिका खेल्दै आएको छ । बैंकले नवीन प्रविधिको ग्रहण, वासलातको आकार र गुणस्तर, शाखाहरु र एटिमहरुको व्यापक सञ्जाल र ग्राहकहरुकोे सन्तुष्टि प्रति समर्पित पारङ्गत दक्ष पेशाकर्मीहरु नै अग्रणी बैंक बन्नुको आधार भएको बैंकले जारी बिज्ञप्तीमा जनाएको छ ।
नबिल बैंकले ५२ शाखाहरु, एक १ बिस्तारित काउन्टर तथा १०० वटा एटिएमहरुको विशाल संरचना र १,५०० भन्दा बढी नबिल रेमिट एजेन्टहरुका साथमा देशभित्र र विश्वभर धेरै एजेन्टहरु मार्फत् सेवा प्रदान गर्दे आइरहेको छ ।