बीमा कम्पनीहरुको ५२ करोड ८८ लाख बराबरको सेयर किनबेच भयो । बीमा समूहको सूचक सबैभन्दा धेरै २७५ अंकले बढेर ९२६८ अंक पुगेको छ । १४ अंकले घटेको वाणिज्य बैंक समूहमा भने २४ करोड बराबरको सेयर किनबेच भएको छ ।
यसदिन उच्च कारोबार गर्ने कम्पनीको सूचीमा बीमा कम्पनीहरुकै बाहुल्यता देखिएको छ । सबैभन्दा धेरै कारोबार गर्ने नेपाल लाईफको ६ करोड ८३ लाख बराबरको कारोबार भयो । नेको इन्स्योरेन्सको पनि करिब पाँच करोड बराबरको सेयर किनबेच भएको छ । सानिमामाई हाइड्रो र प्रभु इन्स्योरेन्सको पनि साढे चार करोड बढीको कारोबार भयो ।
आइतबार नेप्से ०.१९ अंकले घटेर १६३५.५६ विन्दुमा पुगेको छ । १५१ कम्पनीको कारोबार भएको बजारमा १५ लाख ४१ हजार कित्ता सेयर एक अर्ब चार करोड बराबरमा किनबेच भए । गत विहीबारको तुलनामा कारोबार रकम ८ करोड बढी हो ।
आइतबारको बजारमा हाम्रो विकास बैंक, कुवेर मर्चेन्ट फाइनान्स र हिमालयन जनरल इन्स्योरेन्सको सेयरमूल्य नौ प्रतिशत भन्दा धेरैले बढेको छ । रिलायन्स फाइनान्स र रिडी हाइड्रो सेयरमूल्य सबैभन्दा धेरै चार प्रतिशतका दरले घटेको छ ।
